Բանակցություններն ավարտվել են. ինչ է հայտնել ՌԴ նախագահի օգնականը

Ստամբուլում ավարտվել են Ռուսաստանի և Ուկրաինայի պատվիրակությունների բանակցությունները, դրանք տեւել են մոտ երեք ժամ։ Այս մասին հայտնում է gazeta.ru-ն՝ հղում անելով թուրքական լրատվամիջոցներին:

Ռուսական պատվիրակության ղեկավար, ՌԴ նախագահի օգնական Վլադիմիր Մեդինսկին տեղեկացրել է, որ պայմանագրի նախաստորագրումը կկատարվի երկու երկրների արտաքին գործերի նախարարությունների մակարդակով։ ՌԴ նախագահի օգնականը ընթացող բանակցությունները «կառուցողական» է անվանել ` հավելելով, որ Ռուսաստանը կքննարկի ուկրաինական կողմի առաջարկները, որոնք կզեկուցվեն նախագահ Պուտինին։

Սպասվում է, որ բանակցությունները կշարունակվեն չորեքշաբթի օրը՝ մարտի 30-ին։ Ուկրաինայի պատվիրակությունն արդեն լքել է բանակցությունների վայրը։