Ադրբեջանը պետք է ոչնչանա․ Վարդան Ոսկանյան (video)
Ըստ իրանագետ Վարդան Ոսկանյանի՝ Հայաստանը խոսել է ամեն ինչի մասին, բայց չի արծարծել մեկ հարց՝ արդյոք Ադրբեջանը գոյության իրավունք ունի։
«Երբ մենք խոսում ենք՝ Արցախը կարո՞ղ է լինել Ադրբեջանի կազմում, թե՞ չի կարող լինել, ըստ էության, հաստատում ենք Ադրբեջանի գոյության իրավունքը։ Այո, մենք պետք է հարցականի տակ դնենք Ադրբեջանի գոյության իրավունքը», - Ազգային ժողովում հայտարարեց նա։
Ոսկանյանի խոսքով՝ Ադրբեջանը, որպես պետություն, ստեղծվել է երկու առանցքի շուրջ՝ հակաիրանականության ու հակահայկականության։
Իրանագետն ընդգծեց՝ արդյոք մենք մեր հասարակությանը համարձակություն ունենք ասելու, որ Ադրբեջանը որևէ զիջման պարագայում չի համաձայնելու Հայաստանի գոյության շարունակականության հետ։
«Արդյոք մենք ունենք հնարավորություն՝ ոչնչացնելու Ադրբեջանը որպես պետականություն, կարծում եմ, առնվազն պետք է քննարկել։ Պետք է սահմանվի տեսլական՝ Ադրբեջանի չգոյությունը, այո, այս պետությունը իր հայկահայկական բնույթով, իր մարդատյաց բնույթով գոյություն ունենալ չի կարող, մի պետություն, որը պարբերաբար խոսում է Հայաստանի չգոյության մասին, գոյության իրավունք ունենալ չի կարող», - նշեց նա։
Պետությունը գոյատևելու համար չէ, պետությունը զարգանալու, տարածվելու ու ընդարձակվելու համար է, իսկ գոյատևելու համար կարող ենք «համայնք» լինել Թուրքիայի կամ Ադրբեջանի ներսում. ընդգծում է իրանագետն ու հարց հնչեցնում՝ արդյոք սա է պետություն կերտելու նպատակը։
Հետևեք մեզ Viber-ում
