Արցախը վերջնականապես կորցնելու հետհաշվարկը սկսված է. հապաղելու ժամանակ չունենք. Նաիրա Զոհրաբյան (video)
Արցախում հումանիտար ճգնաժամ էր ու թե Հայաստանի իշխանությունը, թե միջազգային հանրությունը թքած ուներ հումանիտար ճգնաժամի վրա, Ազգային ժողովում հայտարարեց ԱԺ նախկին պատգամավոր Նաիրա Զոհրաբյանը։
Ընդդիմադիր գործչի խոսքով՝ Ադրբեջանը կրկին սպառնում է. երեկ Ադրբեջանի ԱԳՆ մամուլի խոսնակը հայտարարել է՝ «Հայաստանը, ոնց որ, հետևություններ չի անում 44-օրյա պատերազմից»։
«Խոսվում է խաղաղության պայմանագրի մասին, հիմա հարց՝ ի՞նչ խաղաղության պայմանագրի մասին կարող է խոսք լինել, փորձում են շրջանառության մեջ դնել ամենավտանգավոր թեզը՝ այս կամ այն կարգավճակով Արցախը Ադրբեջանի կազմում։ Ինչ-որ «դիջեյներ», ինչ-որ թրքահպատակներ փորձում են տարատեսակ լղոզված ձևակերումներով ասել՝«դե, պիտի քննարկվի, պիտի նայենք»։ Արցախը Ադրբեջանի կազմում նշանակելու է ցեղասպանություն, նշանակելու է Արցախի ցեղասպանություն», - հայտարարեց Նաիրա Զոհրաբյանը։
Նա ընդգծեց՝ Արցախը վերջնականապես կորցնելու հետհաշվարկը սկսված է։
«Մենք հապաղելու ժամանակ չունենք, կոնկրետ քայլեր են պետք», - նշեց Զոհրաբյանը։
Հետևեք մեզ Viber-ում
