Խողովակը բերել եմ, թափ տամ ձեր վրա․ ցուցարար (video)
Կառավարության շենքի դիմաց ակցիայի մասնակիցները գազի խողովակ «նվիրեցին» Նիկոլ Փաշինյանին։ Նրանցից մեկը հիշեցրեց, որ շուրջ 10 օր Արցախում հումանիտար աղետ է, 10 օր է, ինչ ադրբեջանցիները կտրել են արցախահայությանը՝ գազ ունենալու տարրական իրավունքից։
«Մենք բոլորս տեղյակ ենք, որ շուրջ 10 օր Արցախում հումանիտար աղետ է, 10 օր ադրբեջանցիները պարզապես կտրել են արցախահայությանը գազ ունենալու իրավունքից: Միայն 10 օր հետո սկսվել են իբրեւ թե խողովակաշարի վերականգնման աշխատանքներ: Երկու արձանագրում. Ոչ հարգելի իշխանություններ, կան չհաստատված տեղեկություններ, ձեր լեզվով ասած՝ օդում կախված, որ այս վերանորոգումները եւս որոշակի զիջումների դիմաց են թույլատրվում: Մենք այսօր բերել ենք գազի խողովակը տալու ձեզ եւ ասելու, որ մատ թափ տալու կամ նմանատիպ այլ գռեհկաբանությունների փոխարեն մենք այս խողովակն ենք թափ տալիս, եւ ասում՝ զբաղվեք գործով, որովհետեւ Արցախն առանց հայերի չի մնալու, բայց դուք առանց իշխանության շատ մոտ ապագայում մնալու եք»,- նշեց ՀՅԴ անդամ Սեւակ Նազարյանը։
Հետևեք մեզ Viber-ում
