Նարիշկին. Որոշվում է Ռուսաստանի ճակատագիրը, նրա ապագա տեղն աշխարհում
Ռուսաստանը երբեք չի նահանջի իր ինքնիշխանության ապահովման հարցում: Ասել է ՌԴ արտաքին հետախուզության ծառայության տնօրեն Սերգեյ Նարիշկինը։ Նրա խոսքով, այժմ որոշվում է Ռուսաստանի ճակատագիրը և նրա ապագա տեղը աշխարհում։
Ինչպես նա ընդգծել է չորեքշաբթի՝ մարտի 16-ին ԿԳՆ-ում կայացած պատմական կրթության փորձագիտական խորհրդին, երկիրը երբեք չի նահանջի իր ինքնիշխանության ապահովման հարցերում:
«Մեր երկիրն այժմ իսկապես պատմական պահ է ապրում։ Որոշվում է Ռուսաստանի ճակատագիրը, նրա ապագա տեղն աշխարհում»,- ասել է Արտաքին հետախուզության ծառայության ղեկավարը, մեջբերում է ՌԻԱ Նովոստին։
Նա հորդորել է չմոռանալ, որ Ռուսաստանի Դաշնության զարգացման հիմնական գործոնը և նրա հազարամյա պատմության առանցքը եղել և մնում է ինքնիշխանությունը։
«Ինքնիշխանությունը մեր քաղաքացիների բարեկեցության եւ արժանապատվության գրավականն է, դա մեր երեխաների ապագան է»,- հավելել է նա։
Նարիշկինն ընդգծել է, որ դրա ապահովման հարցը միշտ էլ առաջատար տեղերից մեկն է զբաղեցրել, քանի որ Ռուսաստանը «հակառակ դեպքում կդադարի Ռուսաստան լինել»։
Հետևեք մեզ Viber-ում
