Վարդենիսի նախկին համայնքապետը՝ պետական դավաճանի հետ նույն դիրքում լինելու մասին (video)
Թե որտեղից են ինձ կանչել կամ չեն կանչել, դրա արդյունքները կհրապարակվեն, որից դուք կտեղեկանաք ամեն բան: Այս մասին, այսօր՝ մարտի 16-ին, Վարդենիսի համայնքապետարանում լրագրողների հետ զրույցում նշեց Վարդենիսի ավագանու ՔՊ խմբակցության ղեկավար, Վարդենիսի նախկին համայնքապետ Արամ Մելքոնյանը՝ անդրադառնալով դիտարկմանը, որ վերջերս լուսանկար հրապարակվեց, որտեղ ինքը պետական դավաճանության մեջ կասկածվող անձի հետ էր եւ արդյոք դրա հետ կապված իրեն կանչել են ԱԱԾ քննչական դեպարտամենտ:
Եբ լրագրողներից մեկն ասաց, որ նա յդ անձի հետ եղել է Վարդենիսի դիրքերում, Արամ Մելքոնյանն ասաց. «Վարդենիսի դիրքերում վերջին 3 տարվա ընթացքում եղել եմ հազարավոր մարդկանց կողքին, ունեմ նկարներ հազարավոր մարդկանց հետ: Յուրաքանչյուրին հարգել եմ որպես սպա, որպես երկրի պաշտպան:
Կան իրավապահ մարմիններ, որոնք դրանով զբաղվում են: Ես շատ մարդկանց հետ եմ եղել, վերջին շրջանում շատ նկարներ են հրապարակվել իմ նկարներից, որի իրավունքը չկար, իմ կարծիքով: Ես զինվորական համազգեստ կրող բոլոր անձանց հետ շատ լավ հարաբերությունների մեջ եմ եղել, քանի որ համարել եմ, որ իրենք մեր երկրի պաշտպաններն են»:
Հետևեք մեզ Viber-ում
