Սարսափելի վիճակ է. Թեհմինա Վարդանյանը՝ արցախցիների մասին (video)
Արցախում առկա հումանիստական խնդրի մասին բոլորս տեղյակ ենք, կառավարությունը նույնպես տեղյակ է, Երևանի ավագանու նիստում հայտարարեց քաղաքապետ Հրաչյա Սարգսյանը։
«Ես կապի մեջ եմ իմ գործընկերոջ հետ։ Այս պահի դրությամբ որպես այդպիսին աջակցության կարիք չկա։ Եթե անհրաժեշտություն լինի, իհարկե, մենք բոլորս պատրաստակամ ենք մեր հայրենակիցներին օգնելու։ Այդ հարցը գտնվում է նաև կառավարության ուշադրության ներqո, նրանք ակտիվ զբաղվում են», - նշեց Սարգսյանը։
Ավագանու անդամ Թեհմինա Վարդանյանն էլ ասաց, թե Ստեփանակերտում մարդիկ նույնիսկ տաք ճաշ ուտելու խնդիր ունեն, իսկ Երևանի քաղաքապետարանում «ծաղիկ են նկարում» ու «բանտիկներից» են խոսելու։
«Ստեփանակերտում լուրջ խնդիր կա, իսկ մենք որևէ գումար չենք նախատեսում։ Երևանն Արցախում միայն Երևանի տոները կազմակերպելու համար չի», - ասաց Թեհմինա Վարդանյանը՝ առաջարկելով հարցի վերաբերյալ նիստ հրավիրել կամ քննարկում կազմակերպել։
Արձագանքելով ավագանու անդամին՝ քաղաքապետն ասաց, թե համայնքը մինշտ կանգնած է եղել Արցախի թիկունքին։
«Ձեր նշած խնդիրներին ծանոթ չեմ, բայց կարող ենք քննարկել ու արտահերթ նիստ հրավիրել, ֆինանսական միջոցներ ուղղել, որպեսզի մեր հայրենակիցները կարողանան իրենց խնդիրները լուծել», - ասաց Հրաչյա Սարգսյանը։
Հետևեք մեզ Viber-ում
