Հայաստանի արտգործնախարարի պաշտոնը զբաղեցնող Արարատ Միրզոյանը և Թուրքիայի արտգործնախարար Մևլյութ Չավուշօղլուի հանդիպման ժպտուն լուսանկարը՝ առանց նախապայմանների Թուրքահայաստան ստեղծելու նոր փուլի սկիզբն է։ ԱԳՆ պաշտոնական հաղորդագրության համաձայն՝ Նախարար Միրզոյանը շնորհակալություն է հայտնել նախարար Չավուշօղլուին հրավերի համար։ Արտգործանախարարները վերահաստատել են իրենց պատրաստակամությունը՝ իրականացնելու Հայաստանի և Թուրքիայի միջև հարաբերությունների լիարժեք կարգավորմանն ու բարիդրացիական հարաբերությունների հաստատմանն ուղղված գործընթացն առանց նախապայմանների։ Նրանք համակարծիք էին, որ կարգավորումն անհրաժեշտ է ողջ տարածաշրջանին։ ԱԳ նախարարներն իրենց աջակցությունն են հայտնել այս գործընթացում երկու երկրների հատուկ ներկայացուցիչների աշխատանքներին։ Ուշագրավն այն է, որ թուրքական լրատվամիջոցներում ՀՀ ԱԳ նախարարի անունը՝ Արարատ, տառասխալով է գրվել, թերևս ոչ պատահաբար։ Այդ անունը հայտնի պատճառներով թուրքերը չեն ընդունում։ Ի դեպ, պաշտոնական հանդիպմանը Թուրքիայի ԱԳ նախարարն առանց փողկապի էր ներկայացել։ Բայց սրանք ընդամենը արարողակարգային թեթև նկատառումների շարքից են։ Անթալիայում՝ ԶԼՄ-ների հետ հանդիպման ժամանակ, առանց նախապայմանների հարաբերությունների մասին խոսել է միայն Արարատ Միրզոյանը։ Իսկ նրա թուրք գործընկերը կարևորել է Հայաստանի և Ադրբեջանի հարաբերությունների կարգավորումը, ինչը նշանակում է, որ Թուրքիայի համար առաջնային խնդիր է՝ Հայաստանի և Ադրբեջանի հարաբերությունների կարգավորումը՝ բնականաբար այն օրակարգով, որ առաջարկվում է Ադրբեջանի կողմից։ Այս ամենին ի պատասխան՝ սեղմել է Չավուշօղլուի ձեռքը և լայն ժպտացել, որն անմահացած է հայտնի լուսանկարում որպես պատմական փաստ։ Արարատ Միրզոյանը ոչ մի բառ չի ասել Բաքվում առ այսօր պահվող հայ ռազմագերիների, ադրբեջանական զինուժի կողմից Սյունիքի և Գեղարքունիքի մարզերում օկուպացված ՀՀ ինքնիշխան տարածքի, հենց այս օրերին հումանիտար աղետի մեջ հայտնված Արցախի, վերջին օրերին ամենօրա ռեժիմով կրկնվող ադրբեջանական սադրիչ կրակոցների մասին։ Ադրբեջանը թույլ չի տալիս անգամ նորոգել վթարված գազատարը, ինչի հետևանքով Արցախի բնակչության 80 տոկոսն արդեն ավելի քան մեկ շաբաթ զրկված է գազից, իսկ Չավուշօղլուն ողջունում է հարաբերությունների կարգավորումը։ Թերևա նա հենց այդ կերպ է պատկերացնում Ադրբեջանի հետ Հայաստանի հարաբերությունների կարգավորումը՝ Արցախն Ադրբեջանի կազմում և առանց հայերի։ Իսկ այս ամենին ի պատասխան՝ Արարատ Միրզոյանը սեղմում է նրա ձեռքը և ժպտալով համաաձայնվում, թե սա հարաբերությունների կարգավորում է առանց նախապայմանների։ Հայտնի է նաև, որ հենց նույն օրը, երբ Արարատ Միզոյանն ուղևորվում էր Անթալիա՝ հանդիպելու Չավուշօղլուին, Արդրբեջանի ԱԳ նախարարը Հայաստանին 5 կետից բաղկացած առաջարկ է ուղարկել՝ խաղաղության պայմանագիր ստորագրելու համար։ Ադրբեջանից հայտնել են, որ կետերից մեկը հայ-ադրբեջանական սահմանի դեմարկացիային է վերաբերում։ Հայկական կողմն այս առնչությամբ որևէ բան դեռևս չի ասել։ Հավանաբար՝ լռությունը համաձայնության նշան է։
Հունվարի 30-ին՝ ժամը 14։00-ին, Հայելի ակումբի հյուրն է Զարուհի Փոստանջյանը
Հունվարի 30-ին՝ ժամը 16։00-ին, Հայելի ակումբի հյուրն է Նարեկ Մանթաշյանը
Հունվարի 30-ին՝ ժամը 13։00-ին, Հայելի ակումբի հյուրն է Գառնիկ Դանիելյանը
Հունվարի 30-ին՝ ժամը 12։00-ին, Հայելի ակումբի հյուրն է Վոլոդյա Հովհանիսյանը
Հունվարի 29-ին՝ ժամը 14։00-ին, Հայելի ակումբի հյուրն է «Համահայկական ճակատ» շարժման անդամ Ռուզան Ստեփանյանը
Հունվարի 29-ին՝ ժամը 12։00-ին, Հայելի ակումբի հյուրն է արցախցի հասարակական-քաղաքական գործիչ Անաստաս Իսրայելյանը
Հունվարի 29-ին՝ ժամը 11։00-ին, Հայելի ակումբի հյուրն է ՀՀ ԶՈՒ պահեստազորի փոխգնդապետ Տիգրան Չոբանյանը
ԶԼՄ-ներին և «Իմնեմնիմի»-ի աջակիցներին հունվարի 29-ին` ժամը 16:00-ին հրավիրում ենք աջակցելու, Երևան քաղաքի քրեական դատարանի Ավանի նստավայրում (հասցե՝ Գյուլիքևխվյան 20), ապօրինի կալանավորված Նարեկ Սամսոնյանին և Վազգեն Սաղաթելյանին
Հունվարի 28-ին՝ ժամը 15։30-ին, Հայելի ակումբի հյուրն է Նարե Սոսեն
Հունվարի 28-ին՝ ժամը 16։00-ին, Հայելի ակումբի հյուրն է Սեյրան Չիլինգարյանը
Հետևեք մեզ Viber-ում
