Ինչ է ասել Ալիևը Մակրոնին Հայաստանի մասին

Ադրբեջանի նախագահ Իլհամ Ալիևը Ֆրանսիայի նախագահ Էմանուել Մակրոնին ասել է,որ Բաքուն պատրաստ է բանակցություններ սկսել Հայաստանի հետ խաղաղ համաձայնագրի շուրջ՝ հիմնված միջազգային իրավունքի հիմնարար սկզբունքների վրա, ինչպիսիք են տարածքային ամբողջականությունը, ինքնիշխանությունը և միջազգայնորեն ճանաչված սահմանների անձեռնմխելիությունը։

«Ընդգծելով այս հարցում Հայաստանի կառուցողական դիրքորոշման կարևորությունը՝ հույս ունենք, որ Ֆրանսիան կաջակցի տարածաշրջանում խաղաղության օրակարգին»,- այս մասին Ալիևն ասել է երկու երկրների միջեւ դիվանագիտական հարաբերությունների հաստատման 30-ամյակի կապակցությամբ Ֆրանսիայի նախագահ Էմանուել Մակրոնին ուղղված շնորհավորական ուղերձում, գրում է haqqin.az-ը: