Դուք եք մոլորեցնում․ ով է ստորագրել, ով է՝ բանակցել․ լրագրողը՝ Հակոբ Արշակյանին (video)
Ազգային ժողովի փոխնախագահ, ԱԺ նախագահի լիազորությունները կատարող Հակոբ Արշակյանն այսօր անդրադաձավ երեկ Ազգային ժողովում տեղի ունեցած միջադեպին:
Հիշեցնենք՝ երեկ ԱԺ-ում «Հայաստան» խմբակցության պատգամավոր Հռիփսիմե Ստամբուլյանը իշխանությանը մեղադրել էր Արցախի 75 տոկոսը հանձնելու համար, ինչին արձագանքել էր ՀՀ վարչապետ Նիկոլ Փաշինյանը՝ ընդդիմադիրներին անվանելով «դավաճաններ ու թալանչիներ»:
Իրավիճակը լարվել էր, ընդդիմադիրները լքել էին դահլիճը, կառավարության հետ հարցուպատասխանն ավարտվել էր:
«Մեզ մեղադրում են նրանում, որ մենք հանձնել ենք Արցախի 75 տոկոսը: Կոնկրետ 7 շրջանի վերաբերյալ ամբողջ բանակցային գործթացը, փաստաթղթերով վկայությունները, Ռոբերտ Քոչարյանի ու Սերժ Սարգսյանի հայտարարությունները այդ տարածքները հանձնելու մասին է եղել, հիմա հարցը հետևյալն է՝ եթե այդպես է, ապա ինչո՞ւ նույն բառապաշարով չեն արտահայտվում ՀՀ նախկին նախագահների հասցեին», - նշեց նա:
Արշակյանի խոսքով՝ տարիներ շարունակ ՀՀ քաղաքացիներին մոլորության մեջ են փորձել գցել՝ իրենց վրայից գցելով պատասխանատվությունը բանակցությունների վարման գործընթացների ընթացքի, Արցախի հարցի վերաբերյալ:
«Գնացել են, բանակցել են մի բանի մասին, եկել են հանրությանը փորձել են կերակրել բոլորովին այլ թեզերով ու այդ առումով այն գործելաոճը, որը հիմա տեսնում եք Ազգային ժողովում ընդդիմադիրների կողմից, շարունակությունն է մոլորության մեջ պահել քաղաքացիներին», - նշեց ԱԺ փոխնախագահը:
Հակոբ Արշակյանի հայտարարություններին արձագանեց լրագրողներից մեկը, նշելով, որ հենց ինքն է մոլորեցնում հանրությանը․ «Հայտնի փաստ է՝ դուք եք ստորագրել, և հայտնի փաստ է եղել՝ ինչ են բանակցել նախկինները»։
Հետևեք մեզ Viber-ում
