Եղել են խոստումներ...Վարդան Խաչատրյան
«Դժվար է ասել ,թե կառավարության գործունեության ծրագիրը որքանով է այն իրատեսական, քանի որ մինչև հիմա, ըստ էության, որևէ տեղաշարժ չի երևացել: Եղել են խոստումներ, եղել է ծրագրային դրույթների հայտարարագրում, և ինչ-որ չափով նաև դրանց մեկնաբանություն է տրվել, բայց ուղղակի տեղաշարժերը, որ մենք ենթադրում ենք՝ կապված հասարակական բարեկեցության բարձրացման հետ, առանց որի երկրի դիմակայություն գոյություն չունի, առայժմ չկան»,- լրագրողների հետ հանդիպմանն ասաց Հասարակական-քաղաքական գործիչ, ԵՊՀ դասախոս Վարդան Խաչատրյանը: Վարդան Խաչատրյանի դիտարկմամբ՝ Հայաստանն այսօր գտնվում է այնպիսի իրավիճակում, որ պետք է պատրաստ լինի կուտակել մաքսիմալ դիմակայության պոտենցիալ: Իսկ Հայաստանը դա չի կուտակել և չունի ինչ-որ բազա, որի վրա կարելի է հենվել համանման զարգացումներում հաջող հաղթահարում ապահովելու համար: Ներկայումս ավելի շատ պետք է ուշադրություն դարձնել նրա վրա, թե ի՞նչ է անհրաժեշտ Հայաստանի Հանրապետությանը, ինչպիսի՞ ելքեր կան,ասաց նա: Իսկ Վարդան Խաչատրյանի առաջարկած ելքը համայն հայության հնարավորությունների մեկտեղումն է, որն իր խոսքով՝ դեռևս առաջ չի շարժվում:
Հետևեք մեզ Viber-ում
