Թուրքիաում արտակարգ ռեժիմը կերկարաձգվի ևս երեք ամսով

Թուրքական «Հուրիեթ» պարբերականը հայտնում է,որ  Թուրքիայի վարչապետ Բինալի Յըլդըրըմը հայտարարել է, որ առաջարկելու է երկրում արտակարգ ռեժիմը երկարաձգել ևս երեք ամսով: «Արտակարգ դրության ժամկետը հուլիսի 19-ին լրանում է: Մենք՝ կառավարությունը սկզբունքայնորեն առաջարկելու է Ազգային անվտանգության խորհրդին երկարաձգել արտակարգ ռեժիմը»,- ասել է նա: Հուլիսի 17-ին գումարվելու է Ազգային անվտանգության խորհրդի նիստ, որի օրակարգում լինելու է արտակարգ ռեժիմի երկարաձգման հարցը: Թուրքիայում առաջին անգամ արտակարգ դրություն է հայտարարվել 2016 թվականի հուլիսի 15-ի ռազմական հեղաշրջման փորձից հետո` հուլիսի 20-ին: 90 օր շարունակվող արտակարգ դրությունը Ազգային անվտանգության խորհրդի որոշմամբ հոկտեմբերի 11-ին, ապա նաև հունվարի 3-ին երկարաձգվել էր 90-ական օրով: Թուրքիայի Ազգային մեծ ժողովը ապրիլի 18-ի երեկոյան որոշում է կայացրել հավանություն տալ երկրում արտակարգ դրությունը ևս երեք ամսով երկարաձգելու որոշմանը: