Եկել եմ ասեմ, որ իմ հետ հույս չկապեք. Քոչարյանը հիշեց հայտնի անեկդոտը
«Ինչպես անեկդոտում է ասվում՝ եկել եմ ասեմ, որ իմ հետ հույս չկապեք, ասեմ, որ սա կաշխատի։ Մի երկու տարի Արցախի մասին չխոսալով ՝ տպավորություն են ցանկանում ստեղծվել, որ նրանք այդ հարցի հետ կապ չունեն։ Եթե հարցեր ունեք, քննարկեք ռուսների հետ, և դա արվում է գիտակցաբար»։Լրագրողների հետ հանդիպման ժամանակ հայտարարեց ՀՀ երկրորդ նախագահ Ռոբերտ Քոչարյանը։
Ըստ նրա՝ տպավորություն է, որ Հայաստանի իշխանությունները չեն ուզում խոսել Արցախից, որպեսզի Հայաստանի և Արցախի հասարակություններն այլևս հույսեր չկապեն իրենց հետ։
«Հաճախ ուզում եմ պատկերացնել բանակցությունների առաջին փուլը՝ Արցախի շուրջ բանակցությունների ապագան որոշելու համար, ինչի՞ մասին են խոսելու, ի՞նչ թեմա է քննարկելու Հայաստանի պատվիրակությունը, ո՞վ կարող է ինձ բացատրել։
Ադրբեջանական կողմը դնելու է հայ պատգամավորների ելույթների ձայնագրությունը և ասելու է, որ ձեր ղեկավարն ընդունում է, որ Հայաստանը վաղուց ճանաչել է Ադրբեջանի տարածքային ամբողջականությունը, ձեր ղեկավարն ընդունում է, որ երբեք՝ նույնիսկ 2016 թվականից ի վեր, տեսական շանս էլ չի եղել քննարկելու Ղարաբաղն Ադրբեջանի կազմից դուրս, նույնիսկ կասկածի տակ է դրել Ղարաբաղի հայկականությունը։
Մեծ անհանգստությամբ եմ սպասում բանակցություններին: Ես նույնիսկ մտածում եմ՝ արդյոք հիմա դրանք պետք են, քանի դեռ այս իշխանություններն են Հայաստանում»,-ասաց երկրորդ նախագահը։
Հետևեք մեզ Viber-ում
