Սա պետական դավաճանություն է. Ռոբերտ Քոչարյան. video
Աշխարհաքաղաքական գործընթացներ են մեկնարկել տարածաշրջանում, բայց՝ ոչ մեր օգտին: Այս մասին ասաց ՀՀ երկրորդ նախագահ Ռոբերտ Քոչարյանը:
«Անվտանգային առումով արդյո՞ք խնդիր չէ մեր երկրի համար՝ Ալիևի և Էրդողանի կողմից ստորագրված «Շուշիի հռչակագիրը» , որին որևէ կերպ չանդրադարձան մեր երկրի իշխանությունները:
Ձևացնել թե բան չի կատարվում մեր շուրջը, պետական հանցագործություն է․ այդ հռչակագիրը խոսում է հենց այդ մասին, որ լուրջ աշխարհաքաղաքական գործընթացներ են մեկնարկել Հարավային Կովկասում, բայց՝ ոչ մեր օգտին»,-ասաց Ռոբերտ Քոչարյանը։
ՀՀ երկրորդ նախագահի խոսքով՝ հռչակագիրը ֆիքսում է, որ Թուրքիայի դերը մեր տարածաշրջանում բավականին աճել է, ֆիքսում է նաև Թուրքիայի և Ադրբեջանի ռազմաքաղաքական դաշնակցության ձևավորման փաստը․
«Այս հռչակագրին հնարավոր է հակադարձել երկու ճանապարհով, որոնից մեկն է՝ ընդունել Թուրքիայից և Ադրբեջանից եկող սպառնալիքի անխուսափելիությունը և ենթարկվել դրան։ Այս իշխանությունը համարում է այդ սպառնալիքը անհաղթահարելի և ենթարկվում է սպառնալիքին»,-ասաց Ռոբերտ Քոչարյանը։
Հետևեք մեզ Viber-ում
