Ռուսաստանը հետաձգում է իր ներխուժումը Ուկրաինա
Երեկ ՌԴ նախագահ Վլադիմիր Պուտինն ընդունեց ՌԴ ԱԳ ղեկավար Սերգեյ Լավրովին և ՌԴ ՊՆ ղեկավար Սերգեյ Շոյգուին, որոնք տեսախցիկների առաջ զեկուցեցին իրավիճակը, որից էլ պարզ դարձավ, որ ամերիկացիների կողմից անոնսավորված, իբր փետրվարի 16-ին ռուսական ներխուժումն Ուկրաինա հետաձգվում է:
Մասնավորապես, Պուտինի այն հարցին, թե կա արդյո՞ք բանակցային ֆորմատի շարունակության ռեսուրս, Սերգեյ Լավրովն պատասխանեց, որ չնայած ռուսական հիմնական պահանջները մերժվել են, սակայն ինքը՝ Լավրովը, կարծում է, որ «...դեռ բանակցային ողջ պոտենցիալը սպառված չէ...»: Մարդկային լեզվով ասած, Լավրովն նշեց, որ պատերազմն պետք է հետաձգել, քանի դեռ բանակցային գործընթացը ամբողջովին սպառված չէ: Եթե հաշվի առնենք, որ Լավրովն այս ամենն ասաց ռուսական տեսախցիկի առաջ, ապա դա նշանակում է, որ Մոսկվան որոշել է հետաձգել ռազմական գործողությունները: Զուգահեռաբար, Ռուսաստանի կոմունիստների առաջարկով Պետդումայում է դրված Դոնբասի և Լուգանսկի չճանաչված հանրապետությունների Մոսկվայի կողմից ճանաչման խնդիրը:
Դուման որոշել է, որ մինջ այս հարցի քննարկումը այն պետք է ուղարկվի ԱԳՆ, խնդիրն ավելի մանրամասն ուսումնասիրման համար: Իսկ երեկվա Լավրովի խոսքերից պարզ է դառնում, որ ԱԳՆ-ն որոշել է այս հարցը առկախել, մինչև բանակցային գործընթացի ավարտը: Այսպիսով ստացվում է, որ ԱՄՆ նախագահ Ջո Բայդենի կողմից անոնսավորված փետրվարի 16-ի պատերազմը առնվազն հետաձգվում է անորոշ ժամանակով:
Սա է իրականությունը:
Արտակ Հակոբյան
Հետևեք մեզ Viber-ում
