Ագնեսա Խամոյանի հարցը նորից հունից հանեց Փաշինյանին (video)
«Ձեր պահվածքով հաստատում եք, որ ներթիմային, ներկուլիսային զրույցները, որ Նիկոլ Փաշինյանը ձեզ է պատրաստում որպես իր ժառանգորդ, իրականությունից այդքան էլ հեռու չեն»,- դիմելով ԱԳ նախարար Արարատ Միրզոյանին՝ ԱԺ կառավարություն հարցուպատասխանի ժամանակ հայտարարեց «Հայաստան» խմբակցության պատգամավոր Ագնեսա Խամոյանը, ով նկատեց, որ վերջերս ԱԳ նախարար Արարատ Միրզոյանն է Նիկոլ Փաշինյանի փոխարեն պատասխանում մի շարք առանցքային հարցերի՝ նրա հետ պատասխանատվություն կիսելով հետագա իրադարձությունների համար.
Նա պահանջեց նրանից «որպես Փաշինյանի ժառանգորդ» արձագանքի Ադրբեջանի նախագահի հոխորտանքերին:
Ագնեսա Խամոյանի հարցից հետո ամբիոնին մոտեցավ Նիկոլ Փաշինյանը և հեգնեց ընդդիմադիր պատգամավորին.
«Ես ոչ թե մեկ, այլ՝ 4 ժառանգորդ ունեմ՝ Մարիամ Փաշինյան, Աշոտ Փաշինյան, Շուշան Փաշինյան և Արփի Փաշինյան»:
Ագնեսա Խամոյանն էլ հիշեցրեց, որ իր հարցն ուղղված էր Արարատ Միրզոյանին.
«Դուք հնարավորություն չեք տալիս ձեր ԱԳ նախարարին, որը ձեզ հետ պատասխանատվություն է կիսում մի շարք հարցերում, պատասխանելու իր մասին հնչած հարցին»:
Հետևեք մեզ Viber-ում
