Հայաստանը գտնվում է մուգ վառվող կարմիր գոտում (video)
Մենք գտնվում ենք սուր շնչառական վարակների և գրիպի սեզոնների մեջ և շարունակական իրականացվող մշտադիտարկման արդյունքում կարելի է արձանագրել, որ այս պահի դրությամբ ունենք սուր շնչառական վարակների և գրիպի բարձր ակտիվություն: Այս մասին այսօր մամուլի ասուլիսի ժամանակ ասաց ՀՀ առողջապահության նախարարության հիվանդությունների վերահսկման և կանխարգելման ազգային կենտրոնի վարակիչ և ոչ վարակիչ հիվանդությունների համաճարակաբանության վարչության պետ Ռոմելլա Աբովյանը:
«Հայաստանում վերջին երկու շաբաթվա ընթացքում, նախորդ 14 օրվա համեմատ, առկա է կորոնավիրուսի նոր դեպքերի աճ 437 տոկոսով»,- ասաց նա՝ հավելելով, որ որոշակի տարիքային շրջանակում կա դեպքերի աճ, օրինակ՝ 3-5 տարեկանների մոտ 7.3 անգամ է, 6-17 տարեկանների մոտ՝ 4 անգամ և 18-23 տարեկանների շրջանում 5.3 անգամ.
Նշեց, որ ամենօրյա վերահսկողություն է իրականացվում դպրոցներում և նախադպրոցական կազմակերպություններում:
«Այս պահին ընդհանուր հիվանդ երեխաների և աշխատակիցների շրջանում ունենք 1563 դեպք, հիմնական թիրախը Երևան քաղաքն է՝ 1098 դեպք։ Շատ դպրոցներ ունենալով 10 տոկոս և ավել դեպքեր՝ անցնում են հեռավար կամ մասնակի ուսուցման»,- ասաց Ռոմելլա Աբովյանը:
Հետևեք մեզ Viber-ում
