Իսրայելը խնդրում է Ռուսաստանին
Իսրայելի զբոսաշրջության նախարար Կոնստանտին (Յոել) Ռազվոզովը դիմել է Ռուսաստանի կառավարությանը՝ խնդրելով թույլատրել իսրայելցիների անարգել մուտքը ՌԴ:
«Նամակում, որն ուղարկվել է Ռուսաստանի Դաշնության կառավարության փոխնախագահ Տատյանա Գոլիկովային, նախարար Ռազվոզովը ռուսաստանյան իշխանություններին ծանուցել է այն մասին, որ նոյեմբերին Մոսկվա իր այցից անմիջապես հետո, երբ գլխավորել է իսրայելական պատվիրակությունը ՌԴ, Իսրայելի կառավարությունը որոշում է ընդունել՝ թույլատրել «Սպուտնիկ»-ով պատվաստված ռուսաստանցիների մուտքը՝ նրանց համար մշակելով բավականին հարմարավետ մուտքի ընթացակարգ: Այդ կապակցությամբ սպասվում է, որ ՌԴ-ի կառավարությունը պատասխան քայլ կձեռնարկի եւ թույլ կտա իսրայելցիների անարգել մուտքը Ռուսաստան», հաղորդել է ՌԻԱ Նովոստին:
Հետևեք մեզ Viber-ում
