Նիկոլ Փաշինյանը հանցակից է Արմեն Սարգսյանի քաղաքացիության հետ առկա խնդիրներին. Ագնեսա Խամոյան (video)
ԱԺ «Հայաստան» խմբակցության անդամ Ագնեսա Խամոյանը լրագրողների հետ հարցուպատասխանի ընթացքում հիշեցրեց ընդդիմադիր Նիկոլ Փաշինյանի ելույթը խորհրդարանում այն մասին, երբ վերջինս բարձրաձայնում էր, որ Արմեն Սարգսյանը քաղաքացիության խնդիր ունի։
«2018 թվականի իշխանափոխությունից հետո որևէ անդրադարձ իր կողմից այդ հարցին տեղի չի ունեցել։ Արմեն Սարգսյանի քաղաքացիության վերաբերյալ երեկվա հրապարակումն ակնհայտորեն ցույց տվեց, որ Սարգսյանը ոչ միայն այն դրվագով է քաղաքացիության խնդիր ունեցել, որը մատնացույց էր անում Նիկոլ Փաշինյանը, այլ նաև այլ դրվագներով այլ քաղաքացիության հետ կապված խնդիրներ է ունեցել։ Այստեղ նաև հանցակից է Նիկոլ Փաշինյանը, որովհետև արդեն 2018 թվականից հետո այդ մասին իմացել է փաստերով և չի խոսել։ Դրանով եմ պայմանավորում, որ երեկ իր ասուլիսի ժամանակ նա ակնհայտորեն փորձեց շրջանցել այդ թեման», - ասաց Ագնեսա Խամոյանը։
Հետևեք մեզ Viber-ում
