Ձերբակալվել է Էրդողանին ուղիղ եթերում վիրավորած թուրք լրագրողը
Թուրք լրագրողուհի Սեդեֆ Քաբաշը ձերբակալվել է Թուրքիայի նախագահ Ռեջեփ Թայիփ Էրդողանի հասցեին ուղիղ եթերում հնչեցրած վիրավորական արտահայտությունների համար, գրում է «ՌԻԱ Նովոստին»՝ հղում անելով CNN Turk-ին։
Իշխող կուսակցության մամուլի քարտուղար Օմեր Չելիքն ասել է, որ լրագրողի ասածը ոչ թե ընդդիմադիր դիրքորոշման ներկայացում է, այլ «անբարոյականություն ու հիմարություն»։ Ռադիոյի եւ հեռուստատեսության բարձրագույն խորհուրդը (RTÜK) նաեւ հետաքննություն է սկսել այն հեռուստաալիքի դեմ, որի մասին խոսել է Քաբաշը։
Լրագրողն ուղիղ եթերում վիրավորական ասացվածք է մեջբերել պալատում գտնվող անասունների մասին՝ Ռեջեփ Թայիփ Էրդողանի քաղաքականության համատեքստում։
Հետևեք մեզ Viber-ում
