Կա՞ ստեղ մեկը, որ ինձ ասի՝ գործակալ. Ռուբեն Ռուբինյանը հունից դուրս եկավ (video)

Ազգային ժողովի փոխնախագահ Ռուբեն Ռուբինյանն այսօր հայտարարեց, որ ինքը բավականին համբերատար ու բարեհամբույր մարդ է:

Նա ասաց, թե Ազգային ժողովի դահլիճում իրեն մեղադրել են Թուրքիայի ազդեցության գործակալ լինելու համար:

«Ուրեմն լսեք ինձ, տիկին Խամոյան ու ձեր ամբողջ խմբակցություն, ստեղ որևէ մեկը կա՞, որ կարող է կանգնի ու իմ դիմաց ասի, որ ես ազդեցության գործակա՞լ եմ, այդպիսի մարդ այստեղ չկա ու չի կարող լինել», - հայտարարեց Ռուբինյանը:

Նա ընդգծեց, որ ի պատասխան այդ հայտարարության՝ ինքը կարող է մոռանալ իր ամբողջ համբերատարությունն ու բաերհամբույրությունը:

«Ու ասեմ կամ անեմ բաներ ձեր հետ: Կփորձեմ արխային: Հանգստացեք բոլորդ ու իմացեք՝ որտեղ եք, ինչ եք խոսում ու ում մասին», - ասաց նա:

ԱԺ փոխնախագահը «Հայաստան» խմբակցության ղեկավար Սեյրան Օհանյանին ու քարտուղար Արծվիկ Մինասյանին հորդորեց կարգի բերել խմբակցության անդամներին:

«Ես սա ասում եմ առաջին ու վերջին անգամ», - զգուշացրեց Ռուբինյանը: