Վստահեցնում եմ՝ «մաշեցնում ենք» Փաշինյանի իշխանության ռեյտինգը (video)

ՀՀ երկորրդ նախագահ Ռոբերտ Քոչարյանը վստահեցնում է՝ այո, «մաշեցնում են» իշխանության վարկանիշը։

«Դիմադրության շարժում ձևավորելը, այո, հենց այդ նպատակին է ծառայում», - լրագրողների հետ հանդիպմանն ասաց Քոչարյանը։

«Բոլոր վատ կետերն արդեն իրականացված են ու որևէ ողջամիտ մարդ չի գալու ու ասելու՝ չեղարկենք, իրականացված է, բացի մեկ կետից, որը մեզ էր պետք՝ գերիների վերադարձը», - նշեց ՀՀ երկրորդ նախագահը։

Ինչ վերաբերում է Հադրութն ու Շուշին հետ բերելուն, Քոչարյանն արձագանքեց՝ այո, պետք է ձգտել գոնե ԼՂ տարածքի ամբողջականությունը ինչ-որ տեղ վերականգնել։

«Այն, ինչ եղել է, չեմ կարծում, որ հնարավոր է, բայց այդ ուղղությամբ քայլեր անելը չի կարող հաջողության գոնե մի մասը չիրականացվի։ Ես այն մարդկանցից եմ, որը հավատում է մեկ բանի՝ ամեն օր քայլ կատարելով, ամեն օր մի բան անելով, քարը քարին դնելով՝ հնարավոր չէ ինչ-որ տեղ ինչ-որ չափի հաջողություն չունենաս», - ընդգծեց «Հայաստան» դաշինքի առաջնորդը։