Չկա ուսապարկ, չկա Նիկոլ Փաշինյան

Նիկոլ Փաշինյանի թիմակիցներից շատերը, տարբեր առիթներով հայտարարել են, որ եթե այս կամ այն ՔՊ-ականի փոխարեն որևէ ընտրատարածքում առաջադրվեր Նիկոլի ուսապարկը, ապա այն ավելի շատ ձայն կհավաքեր, քան տվյալ թեկնածուն։ Հանուն արդարության պետք է ընդունել, որ այդ պնդման մեջ կար դառը ճշմարտություն։
Վերջին ասուլիսսում սակայն Նիկոլ Փաշինյանն ճիշտ հակառակ հայտարարությունն արեց՝ անդրադառնալով Հայկ Մարությանի իմիչմենտի գործընթացին։
«Ինչպես չի կարող որևէ մեկը վարչապետ լինել առանց խորհրդարանական մեծամասնության, այնպես էլ որևէ մեկը չի կարող քաղաքապետ լինել առանց ավագանու մեծամասնության»,- անդրադառնալով Երևանի արդեն նախկին քաղաքապետ Հայկ Մարությանի վերաբերյալ հարցին, հայտարարել է Նիկոլ Փաշինյանը՝ նշելով, որ բոլոր որոշումներն ընդունվել են ավագանիում:

«Այն մարդուն, ում ընտրել ենք քաղաքապետ, ինքը եղել է քաղաքապետի առաջին տեղակալ: Որևէ մեկը ճանաչո՞ւմ է իրան, որ կա քաղաքապետի առաջին տեղակալ, որը տրանսպորտի ոլորտի համակարգի ներդրումը իրականացրել է, որ աղբահանության համակարգի ներդրումն իրականացրել է և այլն: Ավագանին է կայացրել այդ բոլոր որոշումները»,- նշել է նա։
Ըստ Փաշինյանի՝ այստեղ կա նաև քաղաքական և բարոյական հարթություն։
«Այս առումով շատ կարևոր եմ համարում, որ «Իմ քայլը» սկզբունքայնություն դրսևորեց և կայացրեց քաղաքականապես ճշգրիտ ու գրագետ որոշում: Մենք կտեսնենք՝ առաջիկայում Երևանն ավելի լավ կկառավարվի, թե՞ ավելի վատ: Ես կասկած չունեմ, որ ավելի լավ կկառավարվի»,- նշել է Փաշինյանը:
Քաղաքականության և բարոյականության առումով առավել հետարքրականն, անշուշտ, ուսապարկի գործոնն է։ Նիկոլ Փաշինյանն ասում է, որ ինքը չի կարող վարչապետ լինել, առանց խորհրդարնական մեծամասնության։ Խորհրդարանական մեծամասնությունը՝ չնչին բացառաությունները չհաշված, ասում է, որ Նիկոլի ուսապարկն ավելի շատ ձայն կսատանար, քան իրենցից շատ-շատերը։ Ստացվում է, որ Նիկոլ Փաշինյանը չի կարող վարչապետ լինել առանց քաղաքական մեծամասնության, կամ որ նույն բանն է՝ ուսապարկերի։ Այդ ուսապարկերից մեկը Երևանի քաղաքապետ դարձավ։ Հիշյալ ուսապարկը, իհարկե, կկորցնի այդ պաշտոնը, եթե այդպես կամենա ուսապարկերի առաջնորդը։ Նիկոլ Փաշինյանի ասած քաղաքականություն ասվածն էլ, խոշոր հաշվով, մի մեծ ուսապարկի պարունակություն է։ Առանց այդ ուսապարկի՝ Նիկոլ Փաշինյանը ոչինչ է՝ նա ինքն է խոստովանել։

Հայկ Դավթյան