Էրդողանն ու Ալիևը Հայաստան են գործուղել հատուկ նշանակության հանձնակատարի

Նիկոլ Փաշինյանն ասուլիսի ժամանակ հայտարարել է, որ ինքն համաձայն չէ, որ Արցախը կարող է լինել հայկական, քանի որ ԼՂԻՄ-ում ապրել են նաև ադրբեջանցիներ։
«ԼՂԻՄ-ը բանակցային բովանդակության մեջ երբեք հայկական չի եղել։ Ես նախկինում բանակցային բովանդակության վերաբերյալ իմ վերապահումները արտահայտելիս ասել եմ՝ ենթադրենք էդ հանրաքվեն, ենթադրենք հայկական մեկնաբանությամբ պիտի տեղի ունենար, իսկ հայկական մեկնաբանությունը երբեք չի ժխտել, որ հանրաքվեին պիտի մասնակցեն ԼՂ ադրբեջանցի բնակիչները, հիմա երբ ինքնորոշման իրավունքը իրացվում էր, հարց, իսկ ԼՂ ադրբեջանցիները այդ համատեքստում իրենց հերթին կարող են բարձրացնել իրենց ինքնորոշման խնդիրը: ԼՂ-ն միշտ դիտարկվել է ադրբեջանական և հայկական տարածք, եթե ինքնորոշման հարցը լուծվեր, բա Ադրբեջանի բնակիչը որտեղ պետք է բնակվեր, իսկ որ հայկական կողմը բանակցություններում ընդունել է այս իրողությունը կարող եմ ապացուցել անհրաժեշտության դեպքում, եթե հարցնեք թե ի՞նչ աղետ է տեղի ունեցել 2016 թվականին բանակցությունների մեջ ես կպատասխանեմ՝ 2016 թվականին ներկայացվել է առաջարկությունների 3 փաթեթ, որտեղ 2011 թվականից ի վեր առաջին անգամ չի ներառվել նախադասություն այն մասին, որ ԼՂ-ն ստանում է միջանցիկ կարգավիճակ»,-ասաց Փաշինյանը՝ հավելելով, որ ՄԱԿ-ում 1993 թվականին ընդունվել է բանաձև որտեղ ասվում է, որ ԼՂ-ն Ադրբեջանի տարածաշրջան է և ճանաչում է Ադրբեջանի տարածքային ամբողջականությունը, այ սա է մեծ աղետ, որ եղել է 2016 թվականին։ Հարց է առաջանում ԼՂ-ն, ո՞ր երկրին է պատկանում։ Նա նաև նշել է․ <<Ես համաձայն չեմ այն մտքին, որ Արցախը պետք է լիներ հայկական, այնտեղ նաև ադրբոջանցիներ են ապրել>>,- հայտարարել է Փաշին յանը։
Այսպիսով՝ Նիկոլ Փաշինյանի՝ Արցախի հարցով բանակցություներն իր սեփական կետից սկսելու ինտրիգը լիովին բացահայտված է։ Դա Արցախը Ադրբեջանի կազմում տեսնելու և Արցախի ոչ հայկական լինելու թուրքական և ադրբեջանական օրակարգի գլխավոր թեզն է, որն առաջ տանելու համար Էրդողանն ու Ալիևը Հայաստան են գործուղել սափական գործակալին։ Նիկոլ Փաշինյանն ինքը մարմնավորում է թուրք-ադրբեջանական գործակալական ցանցի գաղափարախոսությունը։ Հայաստանի բոլոր նախկին իշխանությունների օրոք, երբեք չի ասվել, թե Արցախը կարող է որևէ կարգավիճակով գտնվել Ադրբեջանի կազմում։ Նիկոլ Փաշինյանն այսօր բաց տեքստով հայտարարում է այդ մասին։ Սա շատ վտանգավոր և հավելյալ ճգնաժամային զարգացումներ ենթադրող թեզ է, որը Փաշինյանը միտումնավոր հնչեցրեց հրապարակային հարթակում։
Սա առնվազն նշանակում է, որ նա արդեն ունի պայմանավորվածություն և պատրաստվում է այսպես կոչված խաղաղության պայմանագրի ստորագրմամբ վերջնականապես հրաժարվել Արցախից։
Բայց Արցախը կարող է չհամաձայնվել դրան և գնալ հարցի լուծման իր ճանապարհով։

Հայկ Դավթյան