Փաշինյանի նոր ծուղակը

Բուռն քննարկումների առիթ է դարձել այն փաստը, որ խորհրդարանական ընդդիմությունը մերժել է Նիկոլ Փաշինյանի՝ փակ հանդիպման հրավերը, որը նա ընդդիմադիրներին է փոխանցել Ազգային ժողովի խոսնակ Ալեն Սիմոնյանի միջոցով:
Ընդդիմությանն ընդդիմություն աշխատող Նիկոլ Փաշինյանի հաճախորդները հարայ-հրոց են բարձրացրել, թե ինչպիսի ապակառուցողական ընդդիմություն ունենք, որ այս դժվարին օրերին պետության ու պետականության մասին չեն մտածում, չեն հանդիպում Նիկոլ Փաշինյանին:

Մինչդեռ Հայաստան եւ Պատիվ ունեմ Դաշինքները համատեղ հայտարարությամբ անդրադարձել են մերժման պատճառներին՝ հիշեցնելով, որ որ դեռեւս 2020 թվականի հոկտեմբերին՝ պատերազմի օրերին, նման ձևաչափով հանդիպումներ Նիկոլ Փաշինյանի հետ տեղի ունեցել են, որոնք մինչ օրս մանիպուլացվում և խեղաթյուրվում են հենց վերջինիս կողմից։
<<Այս ժամանակահատվածում, իշխանությունները քանիցս ապացուցել են, որ ժողովրդից գաղտնի իրականացնում են կասկածելի բանակցություններ, առաջ մղելով բացառապես սեփական ապազգային օրակարգը: Բանակցային ցանկացած գործընթաց ինքնին չի հանդիսանում պետական կամ ռազմական գաղտնիք:
Փակ հանդիպման ձևաչափը հայ ժողովրդին առնչվող հարցերի վերաբերյալ առհասարակ անընդունելի է, իսկ Նիկոլ Փաշինյանի հետ նման ձևաչափով հանդիպման վերաբերյալ նախկինում արդեն իսկ տարածվել է հայտարարություն: Ընդդիմադիր խմբակցությունները հայտնել են, որ հանդիպման կմասնակցեն բացառապես բաց, հավասար և ժողովրդի առջև հաշվետու պայմաններում, ինչը մերժվել է, հետևաբար վերահաստատում ենք փակ հանդիպումների՝ ոչ նպատակահարմար լինելու վերաբերյալ մեր դիրքորոշումը>>։Սակայն պարզվում է՝ այսքանից հետո էլ որոշ ընդդիմադիրներ էին վատացել, մասնավորապես պատերազմից հետո էլ Փաշինյանի գրպանում հարմար տեղավորված մարուքյանականները: ԼՀԿ-ական նախկին պատգամավոր Գեւորգ Գորգիսյանն է Փաշինյանի խոսնակի դեր ստանձնել.<<Ազգային Ժողովում ընդիմադիր դաշտը զբաղեցնող քաղաքական ուժերը մերժել են վարչապետի հետ երկրի համար կարևոր անվտանգային հարցերը փակ ռեժիմով քննարկելու առաջարկը։
Մեր երկրի ցավերից մեկն էլ այսպիսի անօրակարգ ու անբովանդակ խորհրդարանական ընդիմությունն է:
Առաջին հայացքից փորձառու, պետական համակարգում աշխատած մարդիկ են, սակայն...
Մարդիկ այդպես էլ չհասկացան ինչի համար են Ազգային Ժողովում և ինչ են ուզում ընդհանրապես:
Պատրաստ են ամեն օր խոսել երկրի անվտանգությունից, պահանջել հանդիպում վարչապետի հետ, բայց երբ պահը գալիս է բովանդակային խոսակցության, վախենում են: Վախենում են, որովհետև գիտելիքը ենթադրում է պատասխանատվություն: Վախենում են իմանալ իրողություններ, որից հետո միգուցե իրենց բոցաշունչ անբովանդակ ելույթները նույնիսկ իրենց համար լինեն անհասկանալի: Այսպես ձեռնտու է՝ իրենք ոչ խնդրից են տեղյակ, ոչ էլ լուծում են կարող առաջարկրել:
Այսպես էլ մեր երկինը մնացել է երկու քարի արանքում՝ ապիկար իշխանության ու անբովանդակ ընդիմության:
ԱԺ-ում հավաքվածներն այդպես էլ չհասկացան, որ շոուներից ու հայհոյանքից բացի բովանդակության կարիք կա: Չհասկացան, որ երկրի առաջ ծառացած խնդիրները օր օրի ավելի են բարդանում ու լուծումները դեռ երեկ էր պետք գտնել:
Այդպես էլ չսովորեցին պետության շահը սեփական ու խմբային շահերից ու ամբիցիաներից վեր դասել:
Այս ամենի ֆոնին, մնում է ուղղակի մեզ բոլորիս համբերություն ու միմյանց լսելու կարողություն մաղթել>>:
Իհարկե, Մարուքյանի թիմակիցը լավ կաներ իր զգայուն քիթը չմտցներ մատի եւ մատանու արանքը, իսկ եթե մոռացել է, ապա հիշեցնենք, որ պատերազմի օրին նախկին, ներկա նախագահներից սկսած, վերջացրած իր խմբակի թամադա Մարությանով հանդիպեցին, միջնորդավորված խորհուրդ տվեցին Փաշինյանին ինչ անել, եւ ինչ ոչ, արդյունքում պարզվեց, որ այս մարդն ամեն ինչ գիտի, ոչ մեկի խորհրդի կարիքը չունի եղավ այն, ինչ եղավ:

Անի Սահակյան