Հաշվեհարդարային դրսևորումների հետ գործ ունենք. Փաշինյանը՝ Արթուր Դավթյանին

ԱԺ «Ելք» խմբակցության ղեկավար Նիկոլ Փաշինյանն այսօր ԱԺ-ում ՀՀ գլխավոր դատախազ Արթուր Դավթյանից հետաքրքրվեց «Սասնա ծռերի» գործով և հարակից գործերով կալանավորված անձնանցից։Ինչու Ժիրայր Սեֆիլյանը, Անդրիաս Ղուկասյանը, Պավել Մանուկյանը չեն կարող հանդիպել իրենց հարազատներին. հարցրեց Նիկոլ Փաշինյանը: ««Սասնա ծռերի» գործով և հարակից գործերով անձինք մոտ մեկ տարի է՝ կալանքի տակ են, և այս մեկ տարվա ընթացքում ընտանիքի անդամներին մի անգամ տեսակցելու հնարավորություն չի տրվել։ Ես չեմ կարծում, որ սա ունի որևէ քրեաիրավական բացատրություն, որովհետև տեսակցությունները տեղի են ունենում քրեակատարողական ծառայողների ներկայությամբ։ Սա իմ կարծիքով՝ տեղափոխվում է արդեն լրիվ ուրիշ հարթություն»,- նկատեղ Փաշինյանը:   Ի պատասխան՝ ՀՀ գլխավոր դատախազն ասաց, որ տեսակցությունների սահմանափակումն ինքնանպատակ չէ և պայմանավորված է վարույթում մեղադրյալի պատշաճ վարքագծի ապահովմամբ։ Առանձին դեպքերում տեսակցությունների ապահովման պայմաններում մեղադրյալը կարող է նաև ներգործություն ունենալ ապօրինի՝ վարույթի իրականացման վրա. «Անձնական կամ հաշվեհարդարի որևէ խնդիր չկա։ Այդ գործերով ակնհայտորեն առկա են եղել անհրաժեշտ հիմքերը՝ մեղադրյալների պատշաճ վարքագիծն ապահովելու, մեղադրյալների կողմից վարույթի նկատմամբ ապօրինի ներգործությունը բացառելու համար»։