Հաստատված քանի՞ գերի կա Ադրբեջանում. ներկայացնում է Սիրանույշ Սահակյանը (video)
«Քանի դեռ Ադրբեջանը պահում է հաստատված գերիներին, վերադարձեր լինելու են, դրանք, հիմնականում, կազմակերպվում են քաղաքական գործընթացների շրջանակում. կամ Ռուսաստանը, կամ ԱՄՆ-ն, կամ Եվրոպական Միությունը, այլ ազդեցիկ պետություններ, իրենց քաղաքական ազդեցությունն օգտագործելով, կազմակեպում են գերիների վերադարձը», -, լրագրողների հետ զրույցում ասաց իրավապաշտպան Սիրանուշ Սահակյանը։
Իրավապաշտպանը նշեց, որ այս պահին Ադրբեջանում հաստատված շուրջ հիսուն հայ գերի կա, իսկ ոչ հաստատված տվյալների համաձայն՝ հավելյալ ութսուն անձ է գերության կարգավիճակով Ադրբեջանում։
Ինչ վերաբերում է Հայաստան վերադարձած գերիների նկատմամբ իրականացվող իրավական գործընթացներին՝ Սիրանուշ Սահակյանն ասաց, թե անթույլատրելի էր հրապարակային դաշտում խոսել գերիների նկատմամբ քրեական հետապնդումների մասին։
«Իրավական ու բարոյական առումով չեմ կարծում, որ նրանց կալանավորելու հիմքեր գոյություն ունեն. նրանց առողջական վիճակն ու այլ հանգամանքներ իսկապես չեն արդադարացնում անազատությունը։ Ես չեմ տեսնում նաև ռիսկեր նրանց փախուստի դիմելու, քննությունից թաքնվելու կամ քննությանը խոչընդոտելու առումով, եթե նրանք փախուստի դիմելու նպատակ ունենային, ուղղակի կտեղափոխվեին իրենց կամարտահայտության հիման վրա երրորդ երկիր», - ընդծեց նա։
Հետևեք մեզ Viber-ում
