Նիկոլ Փաշինյանի հաշվարկված տապալումը

Մի քանի օր առաջ Թուրքիայի ԱԳ նախարար Մեւլութ Չավուշօղլուն հայտնել էր, որ հայ–թուրքական հարաբերությունների կարգավորման գործընթացում հատուկ ներկայացուցիչ է նշանակվել Սերդար Քըլըչը։ 63 ամյա Քըլըչը փորձառու դիվանագետ է, նա 2014-2021 թվականներին եղե է ԱՄՆ–ում Թուրքիայի դեսպանը։
Այսօր հայտնի դարձավ, որ ԱՄՆ-ում Թուրքիայի նախկին դեսպանի հետ բանակցություններում ՀՀ ԱԺ փոխնախագահ Ռուբեն Ռուբինյանը։
ԱԳՆ խոսնակ Վահան Հունանյանը հաստատել է մամուլում շրջանառվող տեղեկությունները՝ նշելով, որ Հայաստան-Թուրքիա երկխոսության գործընթացում Հայաստանի հատուկ ներկայացուցիչը կլինի Ռուբինյանը։
Ի տարբերություն Թուրքիայի ներկայացուցչի՝ ՀՀ ներկայացուցիչը բացարձակ անփորձ է, դիվանագիտական գործում բոբիկ և մեծապես տապալված։ 31 ամյա Ռուբինյանը
2018թ. Մայիսից մինչև 2019թ. հունվար եղել է ՀՀ ԱԳ նախարարի տեղակալ: 2019-2021թթ.`որպես իշխող «Իմ քայլը» դաշինքի ներկայացուցիչ նա ղեկավարում էր ԱԺ արտաքին հարաբերությունների մշտական հանձնաժողովը։ 2020 թվականի պատերազմի ժամանակ ըստ էության խորհրդարանական դիվանագիտության պատասխանատուն հենց Ռուբինյանն էր։ Պատերազմի ողջ ընթացքում ԱԺ արտաքին հարաբերությունների մշտական հանձնաժողովը մատնված էր անգործության։ Անգամ այն ժամանակ, երբ Արցախում թշնամին քիմիական զենք էր կիրառում, օգտագործում էր կասետային արկեր, որոնք օգտագործումն արգելված է, հրթիռակածում էր ծննդատները, ռումբ էր նետում դպրոցների վրա, այդ թվում նաև ՀՀ տարածքում, խորհրդարանական դիվանագիտությունը լուռ էր։ Մենք այդ ողջ ընթացքում այդպես էլ ականատես չեղանք, որ մեր հարևան և ոչ հակառակորդ երկների խորհրդարաններն այդ օրերին դատապարտեին Արցախում և Հայաստանում հայ ժողովրդի դեմ իրականացվող հանցագործությունը։ Անգամ հարևան Վրաստանում 3-4 հոգի վրացի պատգամավոր չգտնվեց, որ դատապարտեր հայ ժողովրդի դեմ կատարվող երկրորդ ցեղասպանությունը։ Անգամ զուտ մարդկային, ընկերական կապերով կարելի էր դա կազմակերպել։ Խորհրդարանական դիվանագիտությունը խորապես տապալած Ռուբաինյանին ուղակում եմ փորձառու թուրք դիվանագետի հետ բանակցելու, որ ի՞նչ անեն։
Ըստ էության նպատակն ի սկզբանե այդ բանակցությունների տապալումն է կամ էլ հայկական շահի իսպառ ոչնչացումը։ Հակառակ պարագայում
Հայաստանի ներկայացուցիչը պետք է լիներ ծանրակշիռ ու պրոֆեսիոնալ գործիչ, որը պետք է տիրապետեր հայ-թուրքական հարաբերությունների պատմությանը, հայկական հարցի արմատներին, մարդ ով պետք է տիրապատեր և հասկանար ներկայումս մեր տարածաշրջանում ընթացող աշխարհաքաղաքական գործընթացներ և շահերի բախման առանցքները։ Վերջապես նա պետք է լիներ մի մարդ, որը արժանապատվորեն ներկայացնել մեր երկիրը և որին նայելիս մենք չէինք ամաչի։

Հայկ Դավթյան