Եթե բժիշկը ես եմ` թույլ տվեք անալիզները վերցնեմ. Փաշինյանը՝ տաքսիստներին
Մի շարք անհատ տաքսու վարորդներ այսօր հավաքվել էին ԱԺ մուտքի դիմաց՝ օրենսդիր մարմնի ներկայացուցիչներին տեղեկացնելու իրենց խնդրի մաիսն և խնդրելու՝ լուծումներ գտնեն, որպեսզի լիցենզավորման համար նախատեսված ր չվճարված գումարները զրոյացվեն:Տաքսիստները երեք տարի է՝ լիցենզիայի գումար չեն վճարել՝ այս կերպ բողոքելով անհավասար պայմաններից։ Մտածել են, որ չմուծելուց երկու-երեք ամիս հետո իրենց լիցենզիան կկասեցվի: Սակայն պարզվել է, որ նրանց տուգանքները կուտակվում են: Վարորդների բողոքը լսելու եկան նաև «Ելք» դաշինքի խմբակցության ղեկավար Նիկոլ Փաշինյանն ու պատգամավոր Լենա Նազարյանը: Վարորդներից մեկը, դիմելով Փաշինյանին, ասաց. «Բժիշկը Դուք եք, Դուք կիմանաք, թե ինչ անենք»: «Խնդիրը պետք է ունենա լուծում, բայց ինչպես պետք է լուծենք, պետք է ախտորոշումըիմանանք, որ բուժումը գտնենք, հասկանանք՝ բուժելի է, թե անբուժելի, եթե բժիշկը ես եմ, թողեքանալիզներին ծանոթանամ ու ասեմ»,- ասաց ԱԺ պատգամավոր Նիկոլ Փաշինյանը:
Հետևեք մեզ Viber-ում
