Աշոտ Մինասյանը պատրաստ է իր ազատությունը ժամանակավորապես զիջել,բայց երբեք պատրաստ չէ զիջել հայրենիքը (video)

Փաստաբան Միհրան Պողոսյանի դիտարկմամբ՝ Հայաստանում այսօր դատաիրավական համակարգը գտնվում է շատ ավելի վատ վիճակում, քան 3 տարի առաջ էր, 20 տարի առաջ էր, անգամ՝ 100 տարի առաջ էր։

Պողոսյանը «Սիսական» ջոկատի հրամանատար Աշոտ Մինասյանի պաշտպանն է, որն օրեր առաջ կալանավորվել է։ Ըստ փաստաբանի՝ այսօրվա քաղաքական իշխանությունը գենետիկ անհանդուժողականություն ունի այլ կարծիք արտահայտող ուժի հանդեպ։

«Աշոտ Մինասյանը կալանավորվել է 2020 թվականի նոյեմբերի 15-ին ներկայացված քննիչի պահանջի հիման վրա. 2020 թվականի նոյեմբերի 15-ին քննիչն ասում էր, որ Աշոտ Մինասյանը, մնալով ազատության մեջ, կթաքնվի, կխոչընդոտի քննությանը ու, հնարավոր է, կատարի նոր արարք. Աշոտ Մինասյանը 2020 թվականի նոյեմբերի 15-ին չկալանավորվեց, մեկ տարի դեգերումներից հետո պարզվեց՝ քննիչը ճիշտ էր՝ Աշոտ Մինասյանը, հայտնվելով ազատության մեջ, կթաքնվի, կխոչընդոտի կամ կկատարի նոր անարք։ Այս տիպի աբսուրդ իրավաբանության իմ պրակտիկայում չեմ հանդիպել», - ասաց Պողոսյանը։