Փաշինյանը իրեն չսպանելու համար վրեժ է լուծում Աշոտ Երկաթից

«Սիսական» ջոկատի հրամանատար, «Աշոտ Երկաթ» մականվամբ լեգենդար հրամանատար Աշոտ Մինասյանը կալանավորվել է: Փաշինյանի գրպանում գտնվող դատական համակարգը, մասնավորապես, Վերաքննիչը բավարարել է դատախազության բողոքը: Դեռ հոկտեմբերին Վճռաբեկ դատարանը մասնակի բավարարել էր Աշոտ Մինասյանի նկատմամբ խափանման միջոց կալանքի կիրառման վերաբերյալ դատախազության բողոքը։ Պատերազմից հետո Մինասյանին եւ մի խումբ ընդդիմադիր գործիչների մեղադրանք էր առաջադրվել իշխանության յուրացման նախապատրաստման, պետական, քաղաքական կամ հասարակական գործչի, մասնավորապես, Հայաստանի վարչապետի գործունեությունը դադարեցնելու նպատակով նրա սպանության նախապատրաստման, այդ նպատակով մի խումբ անձանց կողմից նախնական համաձայնությամբ ապօրինի կերպով զենք, ռազմամթերք, ձեռք բերելու, պահելու հանցավոր արարքները կատարելու համար։ Ինչպես նշեցինք, նման մեղադրանք առաջադրվել էր քաղաքական գործիչների, որոնց թվում ՀՀԿ-ական Վահրամ Բաղդասարյանին,ԱԱԾ նախկին տնօրեն Արթուր Վանեցյանին եւ այլոց:

Ինչո՞ւ է Նիկոլ Փաշինյանը քրեաքաղաքական հետապնդման ենթարկում իր ընդդիմախոսներին հարցը կորցրել է իր արդիականությունը։ Բոլորին էլ հայտնի է, որ նրա գործողությունները նախեւառաջ մի գլխավոր պատճառ ունեն՝ վախ: Մինասյանի կալանավորումը ենթադրում է, որ այս մարդը Սյունիքի հետ կապված կամ անավարտ պլաններ ունի եւ մտագոհություններ առ այն, որ այլեւս կարող է իր դեմ ըմբոստության ալիք բարձրանալ ի դեմս հող պահող, հող ազատագրած տղաների, կամ էլ արդեն իսկ ձեռք բերված պայմանավորվածությունները, ՀՀ-ի համար ցավոտ զիջումներն առաջիկայում կյանքի կոչելուց առաջ չեզոքացնում է դիմադրության ցանկացած օջախ:
Չմոռանանք, որ իր հակապետական ծրագիրը կյանքի կոչելուց առաջ նա ձերբակալեց եւ ցայսօր էլ կալանքի տակ է պահում Սյունիքի համայնքապետերին՝ Առուշ Առուշանյան, Մխիթար Զաքարյան, Մանվել Փարամուզյան, Արթուր Սարգսյան: Նրանց կալանավորման ընթացքում է, որ ադրբեջանցիներին իրավունք տվեց մաքսակետ տեղադրել Գորիս Կապան Ավտոճանապարհին եւ ըստ էության մեր սուվերեն տարածքից մի հատված նվիրեց իր կիրթ ու կառուցողական ընկերոջը, այս ընթացում է, որ ճակատ բացեց հայ-ադրբեջանական հասմանի Սիսիանի հատվածում եւ ադրբեջանցիներին թույլ տվեց կիլոմետրեր առաջխաղալ ու կրկին զավթել մեր սուվերեն տարածքը, իսկ անցած շաբաթ Սոչիում վերջնականապես համաձայնության եկավ Այունիքի ճանապարհները ապաշրջափակելու, իսկ իրականում թուրքի ոտքը Սյունիքում օրհնելու, ինչպես նաեւ Ադրբեջանին Նախիջեւան կապող միջանցք տալու հարցում: Ուստի մոտ ապագայում պետք է այս ամենը կյանքի կոչի ու թերեւս դրա համար էլ ընկել է արժանապատիվ սյունեցիների հետեւից:

Մյուս պատճառն այն է, որ Նիկոլ Փաշինյանն էլ է հասկանում, որ այնպիսի հակապետական արարքներ է արել, այն կարգի աղետ է բերել մեր երկրի վրա, որ գնալով երանի է տալու, որ այս ամենի վերջաբանն իր մահով ավարտվի, թերեւս հենց այդ նպատակով էլ վրեժ է լուծում Աշոտ Երկաթի նկատմամբ այն բանի համար, որ ամիսներ առաջ իր նկատմամբ անհաջող մահափորձ է արել եւ իրեն չի փրկել այն դժոխքից, որն իրեն սպասում է ապագայում:

Անի Սահակյան