Դոն Պիպոյի սպանությունը նախապատրաստելու մեղադրանքով կալանավորվածը մտահոգված է իր անվտանգությամբ
Քրեական հեղինակություն Դոն Պիպոյի (Արթուր Ասատրյան) սպանությունը նախապատրաստելու մեղադրանքով կալանավորված Արկադի Քոչինյանը մտահոգված է իր անվտանգության համար: Հենց այդ պատճառով էլ նա կալանավորվելուց հետո հացադուլ է հայտարարել ու պահանջել իրեն կարանտինից հետո տեղափոխել մենախուց: Այս մասին «Հայկական Ժամանակ»-ի հետ զրույցում ասել է նրա պաշտպան Արմինե Ֆանյանը. «Ես պահանջել եմ, որպեսզի նա դադարեցնի հացադուլը, քանի որ այդպես հարց չի լուծվում: Հացադուլը տևել է մի քանի օր: Հիմա մենախցում է, բայց չգիտենք, թե դա որքան կտևի», - ասել է Ֆանյանը՝ հավելելով, որ Արկադի Քոչինյանը չի ցանկանում պահվել այլ անձանց հետ նույն խցում, քանի որ կարծում է, որ կարող են ճնշումներ գործադրել իր վրա:
Հետևեք մեզ Viber-ում
