Զինամթերք չեն հասցրել մեր զինվորներին․ ի՞նչ են պատմել Խաչիկ Մանուկյանին՝ որդու կյանքի վերջին օրերից (video)
«Չեմ կարողանում մոտենալ այն արժեհամակարգին, որին ինքը դավանել է, որով գրել է, որով իրեն հայրենիքի զինվոր էր կերտում՝ ոչ միայն զենքով զինվոր: Ազգային պատկանելիությունը աստվածային մեծ պարգեւ էր համարում, հայ լինելը՝ մեծ գնահատանք»,- որդու մասին Խաչիկ Մանուկյանն է ասում ու հավելում՝ «դժվար է, երբ ճանապարհում ես նրան, ով քեզնից ուժեղ էր»,- Հայաստանի գրողների միությունում երիտասարդ գրող Վաչագան Մանուկյանին նվիրված հուշ-ցերեկույթ, գրքերի շնորհանդեսից առաջ լրագրողների հետ զրույցում ասաց Վաչագան Մանուկյանի հայրը՝ բանաստեղծ Խաչիկ Մանուկյանը։
Գրող Խաչիկ Մանուկյանը որդու մահից հետո անցել է այն դժոխքի ճամփով, որով որդին է անցել պատերազմի օրերին՝ հավաքագրելով որդու մասին հուշերը բոլոր նրանցից, ովքեր հասցրել են ճանաչել Վաչագանին պատերազմի օրերին։
«Պինդ մնացեք, իմ լույս ճրագներ». սա երիտասարդ գրող Վաչագան Մանուկյանի վերջին գրառումն է եղել։
Վաչագանը զոհվել է 2020 թվականի նոյեմբերի 8-ին՝ Շուշիի մատույցներում։
Հետևեք մեզ Viber-ում
