Փոքրոգի մարդու մեծ վրեժխնդրությունը

Երբ ամիսներ առաջ Նիկոլ Փաշինյանը պետական ողջ ռեսուրսները կենտրոնացրել էր Սյունիքի համայնքապետերի դեմ, շինծու քրեական գործերով մեկը մյուսի հետեւից ձերբակալում-կալանավորում էր սյունյաց համայնքապետին, քչերը գիտակցեցին, որ խնդիրը ոչ թե այս անձնավորություններն են, այլ Փաշինյանի թիրախում Սյունիքն է, որը ցանկանում է հանձնել թշնամուն: Անգամ հայրենի ընդդիմության մեծ բաթողումն էր, որ պահը բաց թողեց եւ հուժկու լոկալ պայքար չձեռնարկեց Սյունիքում: Կյանքը ցույց է տալիս, որ ձերբակալելով սյունյաց հող պահող համայնքապետերին ու կոտրելով դիմադրությունը՝ Նիկոլ Փաշինյանը քայլ առ քայլ իրագործում է իր ծրագիրը եւ մաս-մաս հանձնում Սյունիքը: Ընդ որում՝ շատերին թվում էր, թե Փաշինյանի անգրագիտության հերթական դրսեւորմն էր, երբ սահմանների թեմայով մշտապես հետեւյալ հաջորդականությունն էր կիրառում՝ դեմարկացիա՝ սահմանագծում, ապա դելիմիտացիա՝ սահմանազատում: Կյանքը ցույց տվեց, որ Փաշինյանն ու իր կիրթ բարեկամն առանց դելիմիտացիայի Սյոնիքում ոչ պաշտոնական դեմարկացիա են իրականացնում, դրա արդյունքն է նաեւ Գորիս-Կապան ավտոշանաճահին, իսկ այսօր արդեն Ճակատենում տեղադրված մաքսակետերը:
Հիշեցնենք, որ ցայսօր կալանավորված են Մեղրիի արդեն նախկին համայնքապետ Մխիթար Զաքարյանը, Քաջարանի համայնքապետ Փարամուզյանը, Գորիսի համայնքապետ Առուշ Առուշանյանը:

Նկատենք, որ Փաշինյանը զուգահեռ արշավ է իրականացնում նաեւ անհնազանդ այլ համայնքապետերի նկատմամբ, որոնք, իհարկե, Սյունիքից չեն, բայց իրենց մարզում, իրենց համայնքում են հակաիշխանական գործունեություն ծավալում: Արդեն մի քանի ամիս է Փաշինյանը այս մարդկանց գլխին դանայան սուր է կախել ու փորձում է շինծու քրեական գործերով նրանց հնազանդեցնել:
Երկու օր առաջ էլ հրահանգ տվեց կալանավորել Քասախի համայնքապետ Արա Մկրտչյանին, ով Պատիվ ունեմ դաշինքի պատգամավոր Աննա Մկրտչյանի հայրն է:
Քննչական կոմիտեի հաղորդագրության համաձայն ՝ քրեական գործով իրականացված քննչական և դատավարական գործողությունների, օպերատիվ-հետախուզական միջոցառումների արդյունքում պարզվել են Քասախի համայնքապետի կողմից կատարված չարաշահումների մի շարք հանգամանքներ:
Ենթադրյալ չարաշահումները հիմնականում վերաբերում են հողատարածքների օտարմանը կամ վարձակալությամբ տրամադրելուն, տարբեր անձանց դրանց հետևանքով հասցված վնասը շուրջ 43 միլիոն դրամ է կազմում։
Արա Մկրտչյանի կալանավորումն, անկասկած, փոքրոգի մարդու անհաղթահարելի կոմպլեքսների դրսեւորում է, եւ այն պայմանավորված է ընդդիմադիր պատգամավորի պահվածքով:
Երկիր անձնած, ցեղասպանության դուռ բացած այս անձնավորությունն այնքան մանրախնդիր ու քինախնդիր է, որ չի հանդուրժում իր նկատմամբ անգամ քննադատությունը ու հորից դստեր վրեժն է լուծում:

Անի Սահակյան