Փաշինյանը նոր տեռոր կսկսի
Իշխանական եւ մերձիշանական շրջանակներում վերջին օրերի իրադարձությունները հուշում են, որ Նիկոլ Փաշինյանի վախերն օրեցօր ավելի են մեծանում: Իր ֆոբիաներն ու սարսափները հաղթահարելու համար այս մարդը ենթադրվում է, որ գժական սցենարներ է առաջիկայում բեմադրելու, մեկնարկը կարծես թե տրված է, բայց ճանաչելով այս անձնավորությանը, կարող ենք փաստել, որ դա, ընդամենը, առաջին ծիծեռնակներն են եւ մեծ բոլոլան դեռ առջեւում է:
Օրինակ երկու օր առաջ այս անձնավորությունը կրկին խոսեց գնդակահարության մասին, որի մասին խոսել էր նախընտրական շրջանում.
«Ով չգիտի, թե ինչ կարող էր լինել խորհրդարանական ընտրություններում մեր պարտության պարագայում․ մենք բոլորս դա գիտեինք։ Մարդիկ փողոցներում արդեն մեր ընտանիքների գնդակահարություններն էին բեմադրում, բայց մենք գնացել ենք այդ ճանապարհով, ասել ենք, որ եթե ժողովուրդը որոշի, որ մեզ պետք է գնդակահարել, մենք անմռունչ կկանգնենք գնդակահարության պատի տակ»,- ՏԻՄ ընտրությունների քարոզարշավի կապակցությամբ կազմակերպված «Քաղաքացիական պայմանագիր» կուսակցության դրամահավաք երեկոյի իր խոսքում հայտարարեց Նիկոլ Փաշինյանը։
Մենք այս թեմայով քանիցս արտահայտվել ենք, բայց ավելորդ չենք համարում մեկ անգամ էլ խոսել՝ ընդգծելով, որ դահիճն ըստ էության բոլորիցս լավ գիտի իր հանցանքի չափը եւ հասկանում է, որ հրեշավոր արարք է գործել ու այն շարունակում է, ուստի իր պատիժը գնդակահարությունն է, այդ պատճառով էլ ամեն ինչ արեց, որ հունիսի 20-ին վերարտադրի իր իշխանությունը: Սակայն այս մարդը հասկանում է նաեւ, որ չի կարող առանց վախերի, հանգիստ ապրել, քանզի շարունակում է իր ցեղասպան գործունեությունը, շարունակում է կյանքի կոչել Հայաստանն ու Արցախը թրքացնելու իր եւ իր արտաքին տերերի ծրագիրը, եւ ուրեմն հոգու խորքում գիտի, որ իր նկատմամբ վրեժխնդրությունը սարերի ետեւում չէ, որքան էլ փորձի թաքնվել իր թիկնազորի, ոստիկանական գումարտակների ու իրավապահ գնդերի ետեւում: Իր վախերը քողարկելու, ինչպես նաեւ հանրության մեջ իբր իր ուժը ցուցադրելու նպատակով պարբերաբար բեմականացումներ է անում՝ ձերբակալություններ, ասֆալտին փռելու օպերացիաներ եւ այլն: Երեկ՝ նոյեմբերի 13-ին լուր տարածվեց, որ անհայտ անձը նռնակ է նետել Փաշինյանի թիկնապահներից մեկի տան բակը, տուժածների մասին ինֆորմացիա չի հաղորդվում, սակայն կասկած չկա, որ սա շարքային եւ պարզունակ բեմադրություն է, որով Փաշինյանը փորձ է անելու իրեն դարձնել թիրախ եւ քաղաքական օպոնենտների նկատմամբ սկսելու է հետապնդումներ իրականացնել: Ավելի ճիշտ՝ այդ ճնշումները փորձելու է քողարկել նման բեմադրված միջադեպերի տակ, նա այլեւս չունի բացահայտ դեմարշ անելու ռսուրս: Վերջեր ԱՄՆ դեսպանատան ցույց տված դեղին քարտը, իսկ օրերս ՄԱԿ-ն է մտահոգություն հայտնել Հայաստանում մարդու իրավունքների վիճակով: ՄԱԿ-ի մարդու իրավունքների կոմիտեն, մասնավորապես, մտահոգություն է հայտնել Հայաստանում խաղաղ հավաքների անհիմն սահմանափակումների, խաղաղ ցույցերին ոստիկանության միջամտության և բողոքի ակցիաների ժամանակ ցուցարարների կամայական ձերբակալությունների և կալանավորումների վերաբերյալ։ Զեկույցի հեղինակները կոչ են արել Հայաստանին նվազեցնել ոստիկանության աշխատակիցների ներկայությունը ցույցերի ժամանակ, հետաքննել անհամաչափ ուժի կիրառման, կամայական ձերբակալությունների և կալանավորման մասին բոլոր հաղորդումները։
Մարդու իրավունքների կոմիտեի անդամները կոչ են արել Հայաստանին ապահովել ՀՀ ներպետական օրենսդրության լիարժեք պահպանումը։ Դատարանների անկախության վերաբերյալ հանձնաժողովը մտահոգություն է հայտնել գործադիր և օրենսդիր մարմինների՝ դատարանների վրա ազդելու փորձերի առնչությամբ։
Հետեւաբար, չի բացառվում, որ վաղը մյուս օրը Նիկոլ Փաշինյանը մտերիմներից ոմանց դրդի ինքնահրկիզման գնալ, ավտոմեքենաներ պայթեցնի, կամ այլ սարքով տեռակտեր բեմադրի, որ հիմնավորի իր բռնաճնշումները: Բայց մինչ այդ լավ կանի, իսկապես, պատասխան տա, ինչպես կամ ինչու է ընդդիմադիրներով լցրել կալանավայրերը, ինչու պայթեցրեց Զարուի Փոստանջյանի ամուսնու ավտոմեքենան, ինչու է տեռոր սկսել լրատվամիջոցների նկատմամբ: Այնպես, որ եթե անգամ անձամբ ինքնահրկիզվի, միեւնույն է այս կլոունադան չի աշխատելու:
Անի Սահակյան
Հետևեք մեզ Viber-ում
