Ստեղից-ընդեղից կպցրած հիմնավորումներ են. Նաիրա Զոհրաբյան

ԱԺ-ի արտահերթ նիստում ասաց «Ծառուկյան» խմբակցության պատգամավոր Նաիրա Զոհրաբյանը՝ դիմելով ՀՀ էներգետիկ ենթակառուցվածքների եւ բնական պաշարների նախարարության ջրային տնտեսության պետական կոմիտեի նախագահ Արսեն Հարությունյանին,հայտարարեց. «Կառավարությունը չի կարողանում հստակ ձեւակերպել իր ասելիքը: Բնապահպանները վստահ են, որ սա բացարձակապես չի լուծում ձեր ներկայացրած խնդիրը, որ գյուղացիական տնտեսությունները ջրով ապահովելու խնդիր չի լուծում»: «Չեք կարողանում, կառավարությունը չի կարողանում, ստեղից-ընդեղից կպցրած հիմնավորումներ ոնց որ լինի:Հասկանալի չի նաեւ բնապահպանության նախարարության դիրքորոշումը քննարկվող հարցի վերաբերյալ, որը ենթադրությունների տեղիք է տալիս, որ նախագիծն այլ նպատակներ ունի»,- ասաց Նաիրա Զոհրաբյանը: Ջրային տնտեսության պետական կոմիտեի նախագահ Արսեն Հարությունյանն ասաց, որ նախագիծը խորհրդարանի քննարկմանն ինքն է ներկայացնում, քանի որ ջրային համակարգի պատասխանատուն ջրային տնտեսությունն է, ոչ թե բնապահպանության նախարարությունը: ԲՀԿ-ական պատգամավորն արձագանքելով Արսեն Հարությունյանի հայտարարությանը, ասաց, որ խորհրդարանի հետ պետք է լինել անկեղծ, հիմնավորումներում պետք է լինեն շատ ավելի կոնկրետ: «Պետք է ասվի, որ մենք ստիպված ենք ընտրություն կատարել վատի եւ վատթարագույնի միջեւ»,- ընդգծեց Նաիրա Զոհրաբյանը: