Ովքեր են ձերբակալվել Քանաքեռցի Տույի սպանության գործով

Հրապարակը գրում է. Քրեական հեղինակություն համարվող Քանաքեռցի Տույի  սպանության դեպքով 4 անձ ձերբակալվել է։ Այս մասին տարածվել է պաշտոնական հաղորդագրություն։

Մենք տեղեկացանք, որ 4 ձերբակալվածը, որոնց մասին խոսք է գնում, դեպքի վայրում սպանված մեկ այլ անձի` ԱԺ նախկին պատգամավոր Արտյուշ Սիմոնյանի 4 որդին է։ 2֊ը մարմնական տարբեր վնասվածքներով հիվանդանոցում են, մյուս երկուսին էլ ձերբակալել են, որպեսզի  մյուս վրեժխնդիր չլինեն։

Իրավապահ մարմինները դեռ ձերբակալված անձանց մասով լռում է։

Նշենք` Քննչական կոմիտեից ավելի վաղ մեզ հայտնել էին, որ դեպքի առթիվ քրեական գործ է հարուցվել Քրեական օրենսգրքի 104 հոդվածի 2-րդ մասի 1-ին և 6-րդ կետերով և 235-րդ հոդվածի 2-րդ մասով, այսինքն` համապատասխանաբար` շատերի կյանքի համար վտանգավոր եղանակով երկու և ավելի անձի սպանությունը և ապօրինի զենք կրելը:

 Ոստիկանությունը հայտնել էր, որ այսօր գիշեր, ժամը 02.45-ին ոստիկանության օպերատիվ կառավարման կենտրոն ահազանգ է ստացվել այն մասին, Քանաքեռի 16-րդ փողոցի տներից մեկում մարդ է վիրավորվել։ Դեպքի վայր մեկած ոստիկանության ծառայողները տեղում հայտնաբերել են 42-ամյա Արթուր Ղազարյանի ու ևս մեկ անձի` Ա. Խ-ի դիերը` հրազենային վնասվածքներով։