Բաքուն զենք է մատակարարում ահաբեկիչներին/տեսանյութ,տեսաշար/

Բուլղարական «Տրուդ»  թերթի փոխանցմամբ, Բաքուն, գործածելով դիվանագիտական չվերթները, ավելի քան 3 տարի է՝ զենք է մատակարարում Արևելյան Եվրոպայի երկրներից ողջ աշխարհի հակամարտության գոտիներ։ «Ադրբեջանի պետական Silk Way Airlines ավիաընկերությունը դիվանագիտական չվերթների քողի ներքո իրականացրել է առնվազն 350 թռիչք և ամեն անգամ ահաբեկիչներին մատակարարել մի քան տասնյակ տոննա ծանր զենք և զինամթերք։ Տեղեկատվության հաստատմամբ փաստաթղթերը տրամադրել են Anonymous Bulgaria կազմակերպության ցանցահենները։ Կազմակերպությունը կոտրել է Բուլղարիայում Ադրբեջանի դեսպանատան կայքն ու փոստը»,-գրում է պարբերականը։ Silk Way Airlines-ը մասնավոր ընկերություններին, զենք արտադրող ձեռնարկություններին և տարբեր երկրների ռազմական գերատեսչություններին առաջարկել է դիվանագիտական չվերթներով սպառազինության մատակարարումներ իրականացրնել։ Նման չվերթները չեն ենթարկվում ստուգումների և միջազգային կանոնակարգման։ Նշվում է, որ այդ կերպ զենք է մատակարարվել Սիրիա, Իրաք, Աֆղաստան, Պակիստան, Կոնգո։ Ամենից հաճախ Բաքվի անօրինական բեռնափոխադրման ծառայությունից օգտվել են ԱՄՆ-ի ընկերությունները։ Ընդ որում՝ նրանց բոլորի բեռները մեկ առանձնահատկություն են ունեցել՝ զենքը ամերիկյան չափորոշիչներին չի համապատասխանել։ Բաքվի ծառայություններից ակտիվորեն օգտվել են նաև Սաուդյան Արաբիան և ԱՄԷ-ն։   Դիվանագիտական ուղով Ադրբեջանի տեղափոխած զենքի մի մասը կապված է ղարաբաղյան հակամարտության հետ։