ՈՒշադիր ուսումնասիրում ենք պարոն Բայդենի պահվածքը
Իրանի արտգործնախարար Հոսեյն Ամիր-Աբդոլլահիանը, Twitter-ում հրապարկված իր ուղերձում , անդրադառնալով իրանական միջուկային ծրագրի շուրջ բանակցություններին հայտնել է, որ բանակցությունների նպատակը ոչ թե խոսելն է հանուն խոսելու, այլ փոխադարձ շահերի հարգման վրա հիմնված շոշափելի արդյունքների հասնելը։
«P4+1 խումբը պետք է պատրաստ լինի փոխադարձ շահերի եւ իրավունքների վրա հիմնված բանակցությունների:
Սպիտակ տունը կոչ է անում բանակցություններ վարել Իրանի հետ եւ հայտարարում է ԳՀՀԾ-ին վերադառնալու իր պատրաստակամության մասին։ Սակայն այն միաժամանակ նոր պատժամիջոցներ է սահմանում իրանցի ֆիզիկական եւ իրավաբանական անձանց նկատմամբ։ Մենք ուշադիր ուսումնասիրում ենք պարոն Բայդենի վարքագիծը»,- ասել է նա։
Թեհրանն ավելի վաղ հայտարարել էր, որ ԳՀՀԾ-ի վերականգնման շուրջ Վիեննայի բանակցությունների վերսկսման ճշգրիտ ամսաթիվը կհայտարարվի այս շաբաթ։
Հետևեք մեզ Viber-ում
