Իրակլի Կոբախիձե. Ամբողջ բանտը ծիծաղում է նրա վրա, որ Միխեիլ Սաակաշվիլին օրական 3 լիտր լիմոնադ է խմում
«Վրացական երազանք» կուսակցության նախագահ Իրակլի Կոբախիձեն նշել է, որ տեղեկություններ ունի, որ Միխելի Սաակաշվիլին այսօր ծրագրում է իրեն վատ զգալ։
«Ինչ վերաբերում է Սաակաշվիլիին եւ նրա իմիտացված հացադուլին. տեղեկություններ ունենք, որ այսօր՝ ընտրությունների օրը, նա պլանավորում է իրեն վատ զգալ։ Այսինքն՝ սիմուլյացիա կանի, որպեսզի կողմնակիցների մոտ ինչ-որ էմոցիաներ առաջացնի, բայց դա նույնպես դատապարտված է ձախողման։ Ինչպիսի սիմուլյացիա էլ Սաակաշվիլին այսօր անի, դա հաջողություն չի ունենա։ Հացադուլի համար պատասխանատու է հացադուլ հայտարարած անձը, ով ամենածանր ու խայտառակ հանցագործն է, ում հրամանով խոշտանգել, բռնաբարել են, թալանել են բիզնեսները եւ այլն։ Նա խայտառակ մարդ է։ Նա չպետք է հացադուլ անի, այլ պետք է զղջա, բայց նա մարդ է։ Նրա իրավունք է խայտառակ լինել։ Ամբողջ բանտը ծիծաղում է նրա վրա, որ այդ մարդն օրական երեք լիտր լիմոնադ է խմում, ամբողջ բանտը ծիծաղում է դրա վրա»,- ասել է Իրակլի Կոբախիձեն։
Հետևեք մեզ Viber-ում
