Սասուն Միքայելյանն ընդդեմ Նիկոլ Փաշինյանի. միմոսության հերթական սերիան

«Եթե Վազգենը լիներ, նման բան չէր լինի»,- ներկայիս իրավիճակի եւ տարածքային կորուստների մասին հոկտեմբերի 27-ին լրագրողների հետ զրույցում ասել է ԵԿՄ ղեկավար Սասուն Միքայելյանը: Ըըստ նրա՝ 22 տարի առաջ տեղի ունեցած ահաբեկչության հիմքում Արցախի հարցն էր եւ այդ ահաբեկչությունը կոտրեց Հայաստանի ողնաշարը, պետությունը քանդեց հիմքից ու եթե այն չլիներ, մենք այսօր բոլորովին այլ պետություն կունենայինք՝ հզոր բանակով: Նա վստահ է, որ ահաբեկչության պատվիրատուները վաղ թե ուշ կբացահայտվեն, դա կլինի՞ այս իշխանության օրոք, գործող իշխանությունը կարո՞ղ է դա անել, ըստ Սասուն Միքայելյանի՝ հետո կերեւա. «Բոլոր իշխանություններն էլ պիտի անպայման այդ ուղղությամբ մտածեն, եթե չբացահայտվի՝ շարունակական բաներ տեղի կունենա հետագայում»:
Սասուն Միքայելյանի հայտարարությունից հետո առաջին միտքը որ ծագում է այն է,՝ ովքեր ու ինչ սկզբունքներով են հավաքվել Քաղաքացիական պայմանագիր իշխող ուժում, տպավորություն է, որ շունը տիրոջը չի ճանաչում, ում խելքին ինչ փչում, այն էլ անսում ու ասում է: Ընդամենը վերջերս ԱԺ իշխող խմբակցության պատգամավոր գործարար Խաչատուր Սուքիասյանը քաղաքական-հասարարական շրջանակներում երկրաշարժ առաջացրեց սպարապետ Վազգեն Սարգսյանի մասին իր սկանդալային հայտարարությամբ:
«Վազգեն Սարգսյանին շատ լավ հիշում եմ, նա շատ լավ բաներ է արել, բայց նա մի մեծ սխալ է արել, որը պետք է չաներ. ուժային համակարգը քաղաքական որոշում կայացնելու իրավունք չունի: Նրա ընկերներին հարցրեք, նա շատ արագ էլ հասկացել էր, որ խնդիրներ կային և երեք ամիս հետո նա այլ ուղերձ էր ուղարկում, բայց արդեն ուշ էր»,- ասաց Սուքիասյանը՝ պարզաբանելով, որ Վազգեն Սարգսյանը եթե չ;իներ Արցախի հարցը վաղուց լուծված կլիներ :
Հիմա ինչպես չասենք՝ կողմոնորշվեք տղերք՝ Վազգեն Սարգսյան ազգի փրկի՞չ էր, թե ազգակործան պատուհաս:
Դատելով այսօրվա իրավիճակից եւ իշխանությունների գործողություններից, փաստացի
Վազգեն Սարգսյանը խանգարել է Լեւոն Տեր-Պետրոսյանին ու ՀՀՇ-ին, եւ այն մարդկանց, որոնք նրա արյան վրա առեւտուր էին փորձում անել եւ Վազգենի մարմինը դեռ չսառած ցուցակ էին ներկայացրել պաշտոնների համար: Մենք կարո՞ղ ենք ասել, որ հենց դուք սպանեցիք Վազգեն Սարգսյանին, որ տարիներ հետո իշխանություն զավթելով իրագործեք ձեր վաղեմի երազանքը:
Իսկ հիմա եկել հինգ հոգով յոթ երգ եք երգում: Մինչ Փաշինյանն ու իր իշխանությունը հայի հետ 21-րդ դարի ցեղասպանություն գործած թուրքի հետ բարիդրիացիություն օրակարգ է առաջ քաշում,

Սասուն Միքայելյանը կոչ է անում ժողովրդին համախմբել բանակի կողքին եւ պատրաստվել նոր պատերզազմի:
<<Մենք ոչ թե պիտի վախենանք պատերազմից, այլ պիտի միշտ պատրաստ լինենք պատերազմի, այսօր ՀՀ սահմաններն են վտանգված: Մենք մեր ուղղությամբ մեր գործն անում ենք՝ ԵԿՄ-ն»:
Այս մարդը լավ կանի իր քաղաքական առաջնորդին հետ քաշի թուրք-ադրբեջանական տանդեմի գրկից եւ բացատրի, որ մեզ մորթողի հետ չի կարելի խաղաղ ապրել, մեզ առեւանգողի հետ չի կարելի, եւ ընդհանրապես այս ի՜նչ էժանագին դեմագոգիա է, էժանագին ծաղրածուների շքերթ:

Ինչ վերաբրում է բանակին, մենք հզոր բանակ ունեինք մինչեւ հայկական երիտթուրքերի իշխանության գալը, բայց թուրքի դեմ ծնկողի, Ալիեւի կոշկները լիզողի ու դոլարային գործարքի գնացողի կողմից այն փոշիացվեց ու կոտրվեց: Եւ առհասարակ տաքուկ կաբինետներից հոխորտալու փոխարեն, չէր խանգարի պատասխանել Ալիեւի զառանցանքներին, կամ գնալ անասունների հետեւից, որոնք ամեն օր առեւանգում են սահմաններին: Այնպես որ սասունմիքայելյանակերպ ծաղրածուները լավ կանեն անհետանան ասպարեզից եւ իրենց միմոսությունն իրենց քայլում ցուցադրեն:

Անի Սահակյան