ՌԴ փոխվարչապետը մեկնաբանել է Օբամայի խոսքերը

Ռուսական բանակը միգուցե դեռ առաջինը չէ, սակայն հաստատ 2-րդն էլ չէ: Այսպես է իր միկրոբլոգում մեկնաբանել ԱՄՆ նախագահ Բարաք Օբամայի հայտարարությունը Ռուսաստանի փոխվարչապետ Դմիտրի Ռոգոզինը, գրում է Вести-ն: Նախօրեին Օբաման հայտարարել էր, որ Սիրիայում մի խումբ ընդդիմադիրներ չեն կարող մրցակցել աշխարհում հզորությամբ 2-րդ բանակի զենքի հետ` նկատի ունենալով Ռուսաստանին։ Հետաքրքրական է, որ ավելի վաղ Օբաման Ռուսաստանն անվանում էր «տարածաշրջանային գերտերություն», սակայն արդեն նախորդ տարվա նոյեմբերին Պենտագոնի ղեկավար Էշթոն Քարտերը հայտարարեց, որ սրընթաց զարգացող Ռուսաստանը և Չինաստանը մարտահրավեր են նետում ԱՄՆ-ին` դառնալով առաջատարներ հաստատված աշխարհակարգում, նշում է լրատվամիջոցը։