Ղարաբաղում իրենց տները կորցրած ու այժմ Մեծամոր քաղաքի հյուրանոցի շենքում բնակվող ղարաբաղցիները (ավելի քան 40 ընտանիք ) արդեն չորրոդ օրն է՝ հոսանք չունեն: Այս մասին Hayeli.am-ի խմբագրությանն ահազանգել է արցախցիներից մեկի ընտանիքի բարեկամը:
Նա տեղեկացնում է, որ տեղահանված արցախցիները մեծ մասամբ բազմազավակ ընտանիքներ են, որոնց համար հոսանքը պարզապես կենսական անհրաժեշտ է: Պետությունը նրանց տեղակայել է քաղաքի կիսաքանդ հյուրանոցներից մեկում, հյուրանոցի շենքի վերանորոգմամբ զբաղվել են անհատ բարերարներ՝ իրենց գումարներով և դրամահավաքների միջոցով: «Ղարաբաղցիներին հստակ չեն հայտնում անգամ, թե մինչ այժմ ով է զբաղվել կոմունալ վճարումներով. մի քանի տարբերակներ են հնչել՝ «Արևածագ» ընկերությունը, ՄԱԿ-ը, Արցախի իշխանությունները»,- ասում է նա: Հայտնի է նաև, որ պետությունը 44-օրյա պատերազմից հետո պարտավորություն է ստանձնել յուրաքանչյուր չափահասի երեսունական հազար դրամ ամսական տրամադրել, , սակայն մեզ ահազանգած տիկինը վստահեցնում է, Մեծամորի հյուրանոցում տեղակայվածները այդ բնակարանային գումարները չեն ստանում: «Մեծամորի քաղաքապետարանը ղարաբաղցիներին առաջարկել է ցույց կազմակերպել Երևանում Արցախի ներկայացուցչության դիմաց՝ հայտարարելով, որ իրենք ոչնչով չեն կարող աջակցել խնդրի լուծմանը»: Հիշեցնենք, որ անցած շաբաթ էլ Արցախյան վերջին պատերազմի ընթացքում Հադրութից տեղահանված տասնյակ մարդիկ էին կառավարության առջև բողոքի ակցիա անում: Ասում էին, որ հունիսին կտրել են վաթսունութ հազարները, բնակարանների երեսուն հազարները օգոստոսին են կտրել։ Այդ ամբողջի փոխարեն հիմա որոշել են քսանհինգ հազար տալ։ Կառավարությունը պատերազմում իրենց տներն ու բնակավայրը կորցրած մարդկանց սոցիալական աջակցություն վերջին անգամ տրամադրել է օգոստոսին։ Ասում են՝ ծրագիրն ավարտվել է, մշակել են նոր նախագիծ, որի համաձայն անչափահասներին ամսական կտրամադրեն 50, իսկ չափահասներին ամսական 25 հազար դրամ, որով նրանք պետք է տուն վարձեն ու ապրեն։ Սակայն գործադիրը դեռ չի հաստատել այս ծրագիրը։
Դեկտեմբերի 5-ին՝ ժամը 12։30-ին, Հայելի ակումբի հյուրն է Գյուլնարա Ալեքսանյանը
Դեկտեմբերի 5-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Դեկտեմբերի 5-ին՝ ժամը 15։00-ին, Հայելի ակումբի հյուրն է Գագիկ Մինասյանը
Դեկտեմբերի 5-ին՝ ժամը 14։00-ին, Հայելի ակումբի հյուրն է ՀՀԿ-ից Կարապետ Պողոսյանը
Դեկտեմբերի 4-ին՝ ժամը 11։30-ին, Հայելի ակումբի հյուրն է Նարե Սոսեն
Դեկտեմբերի 4-ին՝ ժամը 16։30-ին, Հայելի ակումբի հյուրն է Մայր Հայաստանից Դերենիկ Մալխասյանը
Դեկտեմբերի 4-ին՝ ժամը 15։30-ին, Հայելի ակումբի հյուրն է Թաթուլ Պետրոսյանը
Դեկտեմբերի 4-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Դեկտեմբերի 4-ին՝ ժամը 15։00-ին, Հայելի ակումբի հյուրն է Ժասմինա Ղևոնդյանը
Դեկտեմբերի 3-ին՝ ժամը 14։00-ին, Հայելի ակումբի հյուրն է Մայր Հայաստանից Արմեն Դանիելյանը
Հետևեք մեզ Viber-ում
