ԻՊ շարքերում երեխաների թիվն ավելացել է

Ջորջթաունի համալսարանի հետազոտությունը ցույց է տվել, որ «Իսլամական պետություն» ահաբեկչական խմբավորման շարքերում դեռահաս ահաբեկիչների թիվը եռապատկվել է: Այս մասին հաղորդում է BBC News-ը: Ծայրահեղականները հայտարարել են, որ 2015թվականի հունվարից մարտերում զոհվել է 8-18 տարեկան 89 երեխա, որոնցից 39 տոկոսը մահապարտներ են եղել և պայթեցվել են մինապատ մեքենաներում, իսկ 33 տոկոսը զոհվել են մարտերում: «Ամենայն հավանականությամբ զոհվածների թիվը շատ ավելին է, քանի որ այդ թվերը հրապարակվել են ԻՊ զինյալների կողմից»,- ասում է հետազոտության հեղինակներից Չարլի Ուինթերը: Հաշվետվության մեջ նշվում է, որ երեխաների մեծամասնությունը Սիրիայից են, բայց երեխաներ կան նաև Սաուդյան Արաբիայից, Եմենից, Թունիսից, Լիբիայից, Նիգերիայից, ինչպես նաև Մեծ Բրիտանիայից, Ֆրանսիայից և Ավստրալիայից: ԻՊ զինյալները բազմիցս տեսագրություններ են հրապարակել, որտեղ երևում է , թե ինչպես են երեխաները հաշվեհարդար տեսնում գերիների նկատմաբ, մասնակցում մահապատիժների: Փետրվարի 5-ին հրապարակված տեսանյությում ցուցադրվում էր տեսարան, որտեղ տասնամյա պատանին կտրում էր գերու կոկորդը: Մեկ այլ տեսահոլովակում, որը հայտնվել էր 2015 թվականի հուլիսին, հինավուրց Պալմիրիա քաղաքում 12-13 տարեկան թվով 25 երեխաներ մահապատժի էին ենթարկում 25 գերիների: