Խնդիրներ չունենք, հարցեր ունենք.Նալբանդյան
«Վրաստանի հետ մեր հարաբերությունները նորովի պետք է կարևորել Բովանդակային իմաստ հայ-վրացական հարաբերությունները հիմա են ստացել: Այսօր իրավիճակ է փոխվում, և մենք նորովի պետք է կառուցենք հարաբերությունները՝ հիմքում երկու կարևոր հանգամանք ունենալով՝ Վրաստանի հայության իրավունքների պաշտպանությունն ու հայ-վրացական տարածշաշրջանային ընդհանրական շահերը», - խորհրդարանում հայտարարեց ՀՀԿ-ական պատգամավոր Շիրակ Թորոսյանը՝ հետաքրքրվելով ՀՀ ԱԳ նախարար Էդվարդ Նալբանդյանից, թե ի՞նչ քայլեր են ձեռնարկվում այդ ուղղութամբ: «Հարաբերությունների փոփոխությունները մեկ օրվա կամ մեկ տարվա արդյունք չեն, դրանք հետևողական քաղաքականության արդյունք են:Մենք բազմիցս ասել ենք, հիմա էլ կրկնեմ՝ չկան խնդիրներ, կան հարցեր, ինչը բնական է հարևան երկրների միջև: Դրանք բազմաթիվ են և մենք կառուցողական հունով լուծում ենք դրանք:Հայաստանը կարևորում է Վրաստանի հետ հարաբերությունները և դրանց զարգացման ուղղությամբ քայլեր է ձեռնարկում», - ասաց նախարար Նալբանդյանը:
Հետևեք մեզ Viber-ում
