Արձանագրվել են Խանդոյանի և Կյուրեղյանի մարմինների վրա բոլոր վնասվածքները .Փաշինյան

Իր ֆեյսբուքյան էջի ուղիղ եթերով  պատգամավոր Նիկոլ Փաշինյանը հայտարարել է,որ եղել է  Նուբարաշեն քրեակատարողական հիմնարկում, որտեղ այցելել է երեկվա դեպքերի ահազանգերի կապակցությամբ, մասնավորապես Արայիկ Խանդոյանին և Արեգ Կյուրեղյանին տեսակցելու նպատակով:Նրա չի հաջողվել տեսակցել «Սասնա ծռեր» խմբավորման անդամներին, քանի որ թույլ չեն տվել,սակայն պաշտոնական հաստատում է ստացել, որ նրանց նկատմամբ բռնություններ են իրականացվել։ «Նուբարաշեն ՔԿՀ-ում բռնությունների վերաբերյալ պաշտոնական հաստատում ստացա, որովհոտև ՔԿՀ-ի ներկայացուցիչները ինձ հավաստիացրին, որ բռնությունների, ավելի ճիշտ Խանդոյանի և Կյուրեղյանի, մասնավորապես նրանց մասին է խոսքը, մարմինների վրա բոլոր վնասվածքներն արձանագրվել են։ Ավելին, այդ վնասվածքների մասին արձանագրություններն ուղարկվել են դատախազություն և նախաքննություն իրականացնող մարմին, ենթադրվում է, որ դատարանը նույնպես դրա մասին կտեղեկանա։ Բռնությունների փաստը պաշտոնապես արձանագրված է և ընթացք է տրված».- նշում է Նիկոլ Փաշինյանը։