Նիկոլ Փաշինյանին արգելել են տեսակցել Արայիկ Խանդոյանին և Արեգ Կյուրեղյանին
Ազգային ժողովի պատգամավոր Նիկոլ Փաշինյանը ցանկացել է տեսակցել «Նուբարաշեն» ՔԿՀ-ում գտնվող Արայիկ Խանդոյանին և Արեգ Կյուրեղյանին,սակայն նրան արգելել են: Facebook-ի ուղիղ եթերում ԱԺ «Ելք» խմբակցության ղեկավար Նիկոլ Փաշինյանն ասել է.«Կարող եմ ասել, որ Արայիկ Խանդոյանի և Արեգ Կյուրեղյանի վնասվածքներն արձանագրվել են «Նուբարաշեն» ՔԿՀ վարչակազմի կողմից։ Այդ վնասվածքների մասին արձանագրությունն ուղարկվել է ՀՀ գլխավոր դատախազություն։ Բռնությունների փաստը պաշտոնապես արձանագրվել և ընթացք է տրվել: «Սասնա ծռեր»-ի անդամներին տեսակցության վրա արգելանք է դրված, «Ելք» խմբակցության անդամներին թույլ չի տրվում տեսակցել նրանց»: «Երբ ՔԿՀ-ում էի, տեսա, որ «Սասնա ծռեր» խմբի անդամներից մի քանիսի հարազատները սպասում էին, որպեսզի տեսակցեն իրենց տղաներին, իսկ դա նշանակում է, որ վերջիններիս տեսակցության իրավունքը վերականգնվել է», - ասաց Փաշինյանը։
Հետևեք մեզ Viber-ում
