Ալիևն արհամարհում է իր ստանձնած պարտավորությունները. Շավարշ Քոչարյան
ԱԺ-ում փոխարտգործնախարար Շավարշ Քոչարյանը հայտարարեց, որ Բանակցային գործընթացի համար պիտի լինի համապատասխան մթնոլորտ: «Պատահական չէ, որ Վիեննայում հենց այդ մասին էինք խոսում, որովհետև երբ կրակում են, սադրանքներ են կազմակերպում, ո՞նց կարելի է բանակցային սեղանի շուրջ գնալ առաջ: Դա ակնհայտ է, և պատահական չէ, որ անընդհատ հնչում է այն թեզը, որ Ադրբեջանն այն հանձնառությունները, որ ստանձնել էր և՛ Սանկտ Պետերբուրգում, և՛ մինչև այդ Վիեննայում, պետք է կյանքի կոչի»,-ընդգծեց նա։ Անդրադառնալով լրագրողների դիտարկմանը, թե դեռ չի հաջողվում Իլհամ Ալիևին բանակցային սեղանի շուրջ բերել, Շավարշ Քոչարյանն ասաց. «Բերելու խնդիր չկա, խնդիրն այլ դաշտից է, որ նա պիտի կատարի ստանձնած պարտավորությունները: Այն հանգամանքը, որ ինքը համառորեն դա արհամարհում է, գործում է հակառակ միջնորդների կոչերին, հորդորներին, դա այլ խնդիր է: Դա նաև պարտադրում է միջնորդներին գնահատական տալ այդ երկրի նկատմամբ»:
Հետևեք մեզ Viber-ում
