Ինչպես չկզել թրքահպատակների առաջ

«Հայաստան» խմբակցության պատգամավոր Արթուր Ղազինյանը հինգերորդ անգամ չընտրվեց ԱԺ պաշտպանության և անվտանգության հարցերի մշտական հանձնաժողովի նախագահի տեղակալի պաշտոնում, եթե ընդդիմությունը ևս մեկ անգամ առաջադրի նույն թեկնածուին, ապա հանձնաժողովը ՔՊ-ին կառաջարկի ԱԺ կանոնակարգ օրենքում փոփոխություն անել և ֆիքսել, որ եթե նույն անձը երկու անգամ հանձնաժողովի նախագահի տեղակալ չի ընտրվում, ապա իրավասու խմբակցությունն առաջադրում է նոր թեկնածու:
Հիշեցնենք, որ երկու ամսվա ընթացքում սույն հանձնաժողովում միակ հարցը, որ ամեն անգամ քննարկվում է, և եզրակացության չեն հանգում, դարձել է պաշտպանության հանձնաժողովի նախագահի տեղակալի ընտրությունը: Երկու ամսվա ընթացքում պաշտպանության հանձնաժողովում օրակարգ չի բերվել պաշտպանական, անվտանգային բնույթի որևէ նախագիծ, որևէ օրենսդրական նախաձեռնություն

Շուրջ մեկ ամիս է թեման լրատվամիջոցների ուշադրության տիրույթում է: Մեկ անգամ եւս հիշեցնենք, որ իշխող Քաղաքացիական պայմանագիր խմբակցությունը Ղազինյանի նկատմամբ կատարում է Նիկոլ Փաշինյանի անձնական հրահանգը՝ այն է՝ պատժել նրան եւ չընտրել թեկուզ ձեւական այս պաշտոնում : Քանի որ Ղազինյանը հանդգնել է խորհրդարանում տեղի ունեցած հայտնի ծեծկռտուքի ժամանակ շիշը նետել իր՝ Փաշինյանի ուղղությամբ: Թեպետ ընդդիմադիր պատգամավորը հանգամանալից արդարացավ, որ միտումնավոր չի արել, շիշը նետել է այն ուղղությամբ, որտեղից եկել է իր կողմը, սակայն Փաշինյանն ու թիմակիցներն աննկուն են եւ ինչպես նշեցինք հինգերորդ անգամ մերժեցին Ղազինյանի թեկնածությունը, հինգերորդ նիստի ընթացքում եւս շշի թեման չշրջանցվեց՝ ցույց տալով Ղազինյանին մերժելու իրական դրդաատճառները: Չնայած որ իշխանական պատգամավորները չեն խոստովանում բացահայտ եւ տարբեր պատճառաբանություններ են ներկայացնում՝ Ղազինյանի բանակում չծառայելու փաստից սկսած վերջացրած ֆեյսբուքյան գրառումներ:

Եթե իշխանության առումով ամեն ինչ պարզ է, այս մարդիկ պետության անվտանգային խնդիրներից առավել կարեւորում են մեկ մարդու՝ իրենց հոգեւոր հովվի ցանկությունները ու մնացյալ խնդիրները ստորադասում դրան, ապա անհասկանալի է ընդդիմադիր խմբակցության՝ պաշտոնի նկատմամբ նման մոլուցքը: Իհարկե, ընդդիմությունը հայտարարում է, թե Ղազինյանի թեկնածությունը չփոխելը սկզբունքային խնդիր է, չեն տրվում իշխանական խաղի կանոններին, սակայն սա այն հարցը չէ, որտեղ պետք է սկզբունքների ու գաղափարների պայքար տանել, հատկապես, երբ հանձնաժողովի փոխնախագահի պաշտոնը փաստացի որեւէ արտոնություն, դիրքային առավելություն չի շնորհելու ընդդիմադիրներին, դրանով ընդամենը կատարվելու է Դոնթի բանաձեւի պահանջը: ԱԺ կանոնակարգ օրենքով հանձնաժողովի մեծամասնությունը կարող է ընտրել հանձնաժողովի նախագահի փոխարինողի,որը նրա բացակայության ժամանակ կվարի հանձնաժողովի նիստերը, այսօրվա նիստում այդպես էլ արեցին, ՔՊ-ական Արմեն Խաչատրյանին ընտրեցին դեֆակտո փոխնախագահ: Այնպես որ եթե նույնիսկ Ղազինյանը զբաղեցներ փոխնախագահի պաշտոնը, ապա նախագահի բացակայության դեպքում նիստը վարելու էր Խաչատրյանը: Հետեւաբար հարց է ծագում՝ ինչ իմաստ ունի կզել թուրքահպատակների առջեւ եւ մուրալ այդ պաշտոնը, դառնալ ծաղրի առարկա, երբ նույնիսկ ամենակարկառուն ուսապարկ Վահանգ Ալեքսանյանն է սկսում հեգնել, հիշեցնելով Ղազինյանի՝ նախորդ նիստից հետո արված հայտարարությունը, թե իր համար պատվաբեր չէ դառնալ Անդրանիկ Քոչարյանի տեղակալը: Իշխանական ուսապարկը հետաքրքրվում էր՝ այդ դեպքում ինչու է հինգերոդ անգամ նման ցանկություն հայտնում:
Այսպիսով՝ եթե ընդդիմությունն իսկապես կարծում է, որ այդ պաշտոնը նվաճելը մեծ հաղթանակ է լինելու, չարաչար սխալվում է, պետության առջեւ իրական մարտահրավերները այլ պայքար են պահանջում եւ ընդդիմությունը ժամ առաջ պետք է հանրային մոբիլիզացիայով զբաղվի եւ ընդվզում սկսի:

Անի Սահակյան