Ինչու է Մոսկվան զինում Ադրբեջանին. contact.az

Օրեր առաջ Բաքվու է հասել Ռուսաստանից բերված 42 էշելոն զենքն ու ռազմա­կան տեխնիկան: Ադրբեջանի պաշտպանության նախարարությունը չի հրապարակել զենքերի ցանկը, սակայն լու­սանկարներում երեւացել են Хризантема-С հակատանկային հրթիռային համակարգեր, հրամանատարաշտաբային 9Р 157-4 մեքենաներ եւ հրթիռներ: Այս մասին գրել է՝ contact.az-ը և հարցադրում արել, թե ինչու է Ռուսաստանն այս պահին, երբ գրեթե պատերազմական իրավիճակ է ստեղծվում զենք մատակարարում Ադրբեջանին: «Ինչո՞ւ է Ռուսաստանը զինում Ադրբեջանին, որն իր դաշնակից Հայաստա­նի հակառակորդն է: Хризантема-С համակարգերի առաջին խմբաքանակն Ադրբեջանը ՈԴ-ից ստացել է դեռ 2015-ին: Ապրիլյան իրադարձությունների օրերին հենց այդ համակարգերից եւ Իսրայելում արտադրված Spayk հակատանկային կառավարվող հրթիռներից Հայաստանն ուժեղ հարված ստացավ»,- ասում է ադր­բեջանցի ռազմական փորձագետ Ուզեիր Զաֆարովը: Նրա խոսքով՝ ՌԴ-ում ռազմական փորձագետնե­րը վերլուծում են, որ այս գնումնե­րով Ադրբեջանը որոշել է նոր պատերազմ սկսել, սակայն դա այդ­պես չէ, որովհետեւ Ադրբեջանը միշտ է ռազմական տեխնիկա գնում Ռուսաստանից, Իսրայելից, Պակիստանից, Թուրքիայից, Ուկ­րաինայից եւ դա չի նշանակում, թե ուր որ է պատերազմ կսկսվի: